სლოვაკეთის თავდაცვის მინისტრმა, იაროსლავ ნადმა ოკუპანტი ქვეყნის პრეზიდენტი ვლადიმერ პუტინი ჰიტლერს შეადარა. გარდა ამისა, უკრაინის რადამ რუსეთი ტერორისტულ სახელმწიფოდ და ნეონაცისტურ ტოტალიტარულ რეჟიმად აღიარა.

"უკრაინა, ფაქტობრივად, ჩვენი მომავლისთვის იბრძვის", — განუცხადა ნადმა New York Times-ს.

გამოცემასთან საუბარში, მან, ასევე, აღნიშნა, რომ რუსეთის შეჭრამდე სლოვაკეთისთვის უკრაინაში დიდი რაოდენობით იარაღის, ან თუნდაც, S-300 ტიპის საჰაერო თავდაცვის გაგზავნა "წარმოუდგენელი" იქნებოდა, თუმცა ახლა "პარადიგმა სრულიად განსხვავებულია".

8 აპრილს სლოვაკეთმა უკრაინას სლოვაკეთმა უკრაინას S-300 ტიპის საჰაერო თავდაცვის სისტემა გადასცა. პრემიერმინისტრის, ედუარდ ჰეგერის განცხადებით, მიზანი რუსეთის აგრესიისგან თავდაცვაში დახმარებაა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში