ქუთაისში, გელათის მონასტერთან ავტოსაგზაო შემთხვევა მოხდა. ქუთაისი პოსტის ინფორმაციით, სატვირთო ავტომობილი სამარშუტო ტაქსის დაეჯახა, რომელშიც სკოლის მოსწავლეები იმყოფებოდნენ.

სკოლის მოსწავლეები ზესტაფონიდან გელათის მონასტერში ექსკურსიაზე იყვნენ.

როგორც On.ge-ის შინაგან საქმეთა სამინისტროში განუცხადეს, ავარიის შედეგად 2 არასრულწლოვანი მსუბუქად დაშავდა. უწყების ცნობით, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.