უკრაინის რადას თავმჯდომარე, რუსლან სტეფანჩუკი აცხადებს, რომ საქართველოს პარლამენტის თავმჯდომარესთან, შალვა პაპუაშვილთან ხვალ, 13 აპრილს ოფიციალური ზარი ექნება.

"ჩვენ გვქონდა მასთან საუბარი, ჩვენ შევთანხმდით იმის შესახებ, რომ ხვალ მასთან მექნება ოფიციალური ზარი. მე კიდევ ერთხელ მინდა დავადასტურო ჩვენი მოწვევა. მზად ვარ, მასთან განვიხილი ყველა დეტალი მისი უკრაინაში ვიზიტისა.

მე ვიცი, რომ მას აქვს ჯანმრთელობის მცირე პრობლემები, ვუსურვებ მალე გამოჯანმრთელებას, იმედი მაქვს, რომ ამის შემდეგ მექნება შესაძლებლობა შევხვდე მას კიევში და ვაჩვენო ის ადგილები, რომლის შესახებაც ვსაუბრობდით", — თქვა სტეფანჩუკმა იმედის ეთერში [იმედის თარგმანი].

დღეს, 12 აპრილს პარლამენტში ოპოზიციისა და მმართველი გუნდის წევრებს შორის უკრაინაში ვიზიტთან დაკავშირებით შეხვედრა გაიმართა. შეხვედრის დასრულების შემდეგ ცნობილი გახდა, რომ ისინი უკრაინაში ერთობლივ ვიზიტს გამართავენ, თუმცა უხელმძღვანელებს თუ არა დელეგაციას საქართველოს პარლამენტის თავმჯდომარე ჯერჯერობით უცნობია.