საქართველოს პრეზიდენტის, სალომე ზურაბიშვილის განცხადებით, საქართველოსა და უკრაინას შორის ბზარი მხოლოდ ერთს ახეირებს და ეს რუსეთია. მისი თქმით, დღეს უკრაინაში იმ იდეალების იბრძვიან, რისთვისაც 1989 წლის 9 აპრილს იბრძოდნენ.

პრეზიდენტი დასძენს, რომ ამ ბრძოლაში უკრაინელების გვერდით დგომა და სოლიდარობის გამოხატვა არ უნდა დაგვავიწყდეს.

"ჩვენი მაგალითია ის, რომ 1989 წლის 9 აპრილს მოჰყვა 9 აპრილი 1991 წლის. ეს არის გამარჯვების მაგალითი, ეს არის იმის იმედი, რომ ყოველი ბრძოლა ყოველთვის ღირს თუ ის არის ღირსეული, თუ ის არის თავისუფლებისთვის. ჩვენ ეს არასდროს არ უნდა დაგვავიწყდეს და უნდა ვიდგეთ ჩვენი უკრაინელი ძმების გვერდით. ნებისმიერი ბზარი ჩვენს და უკრაინას შორის, მხოლოდ და მხოლოდ ერთს ახერებს და ეს არის რუსეთი. ეს უნდა ვიცოდეთ და არ დაგვავიწყდეს და ვიყოთ სოლიდარული, ვიყოთ ჩვენ წარსულის და ტრადიციების ღირსი და ამ ადამიანების ღირსი, ვინც აქ, 1989 წლს იდგნენ და არ დაჩოქილან", — განაცხადა მან.