აშშ-ს სახაზინო დეპარტამენტმა რუსეთის მსხვილ საწარმოებს სანქციები დაუწესა. ინფორმაციას ისინი Twitter-ზე ავრცელებენ.

"დღეს ხაზინამ რუსეთის ძირითად სახელმწიფო საწარმოებს სანქციები დაუწესა. ჩვენ ვაგრძელებთ კრემლისთვის აქტივებზე, რესურსებსა და ეკონომიკის სექტორებზე წვდომის შეზღუდვას, რომელის პუტინის სისასტიკის დაფინანსებისთვისაა აუცილებელი", — ნათქვამია განცხადებაში.

აქამდე სახაზინო დეპარტამენტმა სანქციები 21 სუბიექტსა და 13 ადამიანს დაუწესა. მათ შორისაა, სააქციო საზოგადოება Mikron, რომელიც ჩიპების და მიკროელექტრონული საშუალებების მწარმოებელი და ექსპორტიორი უმსხვილესი კომპანიაა.

სანქციები შეეხო, ასევე, მოსკოვში დაფუძნებულ Serniya Engineering და აღჭურვილობის მწარმოებელ კომპანია Sertal-ს. ორივე მათგანი სახაზინო დეპარტამენტმა რუსეთის თავდაცვის სექტორისთვის აღჭურვილობისა და ტექნოლოგიების უკანონო შესყიდვაში დაადანაშაულა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში