ქართული ანიმაციური ფილმი ჯინო ბრაზილიაში, რიო-დე-ჟანეიროში გამართულ ანიმაციური ფილმების ფესტივალზე Anima Mundi საკონკურსო პროგრამაში მიიღებს მონაწილეობას.

Anima Mundi ლათინური ამერიკის ერთ-ერთი ყველაზე მნიშვნელოვანი ფესტივალია, რომელიც წელს ოცდამეხუთედ ტარდება.

ანიმაციური ფილმი მოგვითხრობს გომბეშო ჯინოსა და მისი მეზობლების ამბავს, რომლებიც იძულებული არიან ახალი საბინადრო ადგილი ეძებონ. ჯინო, რომელიც მხოლოდ საკუთარ კეთილდღეობაზე ზრუნავს, მეზობლებს უპირისპირდება და საკუთარ ეზოში გამოკეტვით ცდილობს პრობლემებისგან თავის დაღწევას.

აღსანიშნავია, რომ ქართული ანიმაციური ფილმი ამ ფესტივალზე პირველად მოხვდა.

Anima Mundi-ს ანიმაციური ფილმების ფესტივალი რიო-დე-ჟანეიროში 19-23 ივლისს ჩატარდება.