ქვიარ აქტივისტს თავს დაესხნენ — ვარაუდობს, რომ გარეგნობის გამო
ქვიარ აქტივისტსა და On.ge-ს გუნდის წევრს, გიორგი ბასხაჯაურს გუშინ, გვიან ღამით თავს დაესხნენ. ის ამბობს, რომ შემთხვევა ახმეტელის მეტროსთან მოხდა და ფიზიკური შეურაცხყოფა, სავარაუდოდ, გარეგნობის გამო მიაყენეს.
აქტივისტი საღამოს ტაქსის გამოძახებას ცდილობდა, როცა ორი პირი ხმამაღალი საუბრით მიუახლოვდა და ერთ-ერთი გამოელაპარაკა. მისი თქმით, პირმა, რომელიც ესაუბრებოდა, ვიდეოს გადაღება დააბრალა და ტელეფონის შემოწმება მოითხოვა, რა დროსაც მისმა თანმხლებმა დაარტყა.
"ერთი ბიჭი წამომეწია გზაში და დამიწყო ლაპარაკი. არ მინდოდა ლაპარაკი და რაღაც ვუპასუხე. შუქნიშანზე რომ გადმოვედი, მეორე ბიჭიც, ვინც დამარტყა, ეგეც წამოგვეწია. ერთმანეთში ლაპარაკობდნენ და მცირე კონფლიქტური სიტუაცია ჰქონდათ, არ ვიცი რის გამო. მე აქეთ ვიდექი და ვიძახებდი ტაქსის, ამოღებული მქონდა ტელეფონი. ამ ბიჭმა, რომელიც იქამდე გამომელაპარაკა, დამიწყო, რომ ვიდეოს იღებო, ვუთხარი, რომ არ ვიღებ", — ამბობს ის.
ბასხაჯაური იხსენებს, რომ ამ დროს მეორე პირმა მოულოდნელად ჯერ სახეში მუშტი, შემდეგ კი მკერდში წიხლი დაარტყა.
"ტელეფონში ჩვეულებრივად ჩაიხედა, თითით ნახა, როგორც მახსოვს, მაგ დროს, უცებ არსაიდან გვერდიდან მხვდება მუშტი ყბაში. საერთოდ ვერ გავიგე რა მოხდა, იმ მომენტში ეს ბიჭიც დაიბნა ძალიან და გაიყვანა, გაათრია ეს ტიპი. მერე მეორედაც დამარტყა, მეც იქეთ გავიწიე და ვამოწმებდი, ტაქსი თუ მოვიდა, თან ვფიქრობდი, 112-ში დამერეკა. მაგ მომენტში კიდევ ერთხელ, როგორც მახსოვს, მკერდში წიხლი მომარტყა. მოგერიებას ვცდილობდი, იქ გარემოვაჭრეების დახლები იყო, გისოსები ჰქონდა და ეგ გავიტანე ზურგით, დავეცი. მაგ მომენტიდან ერთადერთი ის მახსოვს, რომ წამომაყენა პოლიციამ", — ჰყვება ის.
ბასხაჯაური ვარაუდობს, რომ პირსინგისა და საყურის გამო სცემეს, რადგან მოძალადეებთან არანაირი სხვა კომუნიკაცია არ ჰქონია. იხსენებს, რომ გაშველების დროს მოძალადე ამბობდა ფრაზებს: "ამას როგორ არ მაცემინებ, ამასთან როგორ არ მიშვებ".
თავდამსხმელი ადგილზევე დააკავეს, ხოლო დაშავებული დაკითხვაზე გადაიყვანეს.
"ცოტა უცნაური პროცესი იყო", — ამბობს აქტივისტი დაკითხვაზე, რომელიც მთელი ღამის მანძილზე მიმდინარეობდა. მისი თქმით, პოლიციელებს არ აქვთ მგრძნობელობა და არ იციან, როგორ იმუშაონ მსგავს თემებზე. იხსენებს, რომ უცნაურ კითხვებს უსვამდნენ და მიუხედავად იმისა, რომ მას საერთოდ არ უხსენებია ორიენტაცია, კითხვები ამასაც შეეხებოდა.
ბახსაჯაურის თქმით, მნიშვნელოვანი დაზიანებები არ აღენიშნება, თუმცა დაცემის შედეგად ხელზე ნაკაწრი აქვს, ასევე, დაშავებული აქვს იდაყვი და თავი. მისივე თქმით, გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
დამატებითი დეტალების გასარკვევად, On.ge შინაგან საქმეთა სამინისტროსთან ცდილობს დაკავშირებას.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები