უკრაინის პროკურატურის ინფორმაციით, კიევის მახლობლად მდებარე ქალაქებში 410 ცხედარი იპოვეს.

შაბათს უკრაინის გენერალურმა პროკურორმა, ირინა ვენედიქტოვამ განაცხადა, რომ ისინი შეაგროვებენ რუსეთის აგრესიის მტკიცებულებებს, დაიცავენ წესრიგს და უზრუნველყოფენ სამხედრო მოსამსახურეების უფლებების დაცვას.

რუსეთი მშვიდობიანი მოქალაქეების დახოცვის ბრალდებებს უარყოფს.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში