ეუთოს მოქმედმა თავმჯდომარე და პოლონეთის საგარეო საქმეთა მინისტრე, ზბიგნევ რაუს და გენერალური მდივანი, ჰელგა მარია შმიდი მწუხარებას გამოთქვამენ, რადგან უკრაინაში ეუთოს სპეციალური სადამკვირვებლო მისიის მანდატის გაგრძელების თაობაზე კონსენსუსი ვერ იქნა მიღწეული.

"ძალიან ვწუხვარ, რომ ვერ მივაღწიეთ შეთანხმებას სპეციალური სადამკვირვებლო მისიის მანდატის გაგრძელებაზე რუსეთის ფედერაციის პოზიციის გამო. გასული 8 წლის განმავლობაში მისია სასიცოცხლოდ მნიშვნელოვან როლს თამაშობდა უსაფრთხოებისა და ჰუმანიტარული სიტუაციის შესახებ ობიექტური ინფორმაციის მოწოდებით და მშვიდობიანი მოსახლეობისათვის კონფლიქტის შედეგების შემსუბუქებაზე დაუღალავად მუშაობდა.

მისიის ფარგლებში სასიცოცხლოდ მნიშვნელოვანი ამოცანები შესრულდა, მათ შორის ცეცხლის შეწყვეტის ხელშეწყობა კრიტიკულად მნიშვნელოვანი ინფრასტრუქტურის აღდგენისთვის", — განაცხადა რაუმ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში