საქართველოს საზოგადოებრივი მაუწყებლის ყოფილი დირექტორი, გიორგი ჭანტურია მაუწყებლის გადაცემების კონკურსში მონაწილეობს. მან მაუწყებელს სამი გადაცემის იდეა შესთავაზა. იდეების შესახებ ჭანტურია ამ ეტაპზე არ საუბრობს.

ჭანტურიას სურს გადაცემების: სოციალური კლუბი, კულინარული მოგზაურობისა და ფერმის დამზადება. როგორც ჭანტურიასთან საუბრისას On.ge-მ გაარკვია, მისი ერთი გადაცემის იდეა - ფერმა - ჩამონათვალში ასახული არაა. თუმცა, ამ სახელით (ფერმა) უკვე რეგისტრირებულია ერთი გადაცემა, რომლის ავტორადაც თამარ ბოლქვაძეა მითითებული. ამ სახელწოდებით მაუწყებლის ეთერში გადის გადაცემა, რომლის პროდიუსერიც ბოლქვაძეა.

"ჩემი დირექტორობის დროს საკმაოდ ბევრი ახალი პროექტი დაიწყო, ყველაფერს ერთად ვერ გააკეთებ. მე 2012 წელს მქონდა ორი პროექტის იდეა, რის განხორციელებასაც შემდეგ სეზონზე ვაპირებდით, იმის შემდეგ, უკვე წამოვედი ტელევიზიიდან და ამიტომ ვერ განვახორციელე. თქვენი კითხვა, როგორი არის იცით? - თუ ამის გაკეთება გინდოდა, იქ რომ იყავი მაშინ რატომ არ გააკეთეო" - ამბობს ჭანტურია, რომლის თქმითაც მისი დირექტორობის დროს დაწყებული პროექტებიდან ბევრი ისევ ეთერშია და დღემდე საუკეთესოებად მიიჩნევა.

მისი დირექტორობის დროს დაწყებულ საუკეთესო პროგრამებს შორის ის გადაცემებს უცნობ მუსიკას და ფერმასა აღდგენას.

ჭანტურია მაუწყებლის დირექტორად 2009 წლის აგვისტოდან 2012 წლის დეკემბრამდე მუშაობდა. მან თანამდებობა საკუთარი სურვილით ხელისუფლებაში ქართული ოცნების მოსვლის შემდეგ დატოვა.

საზოგადოებრივმა მაუწყებელმა კონკურსში შეტანილი განაცხადების რაოდენობის შესახებ ინფორმაცია დღეს გაავრცელა. კონკურსში სულ 153 გადაცემა მონაწილეობს.