სულ ცოტა ხნის წინ Tbilisi Open Air 2022-ზე გამომსვლელთა ვინაობა გახდა ცნობილი. ფესტივალის ფარგლებში წელს სცენაზე ვიხილავთ ისეთ ცნობილ შემსრულებლებს, როგორებიც Alt-J, Cigarettes After Sex, Okean Elzy, Konoba და Rhye არიან.

უცხოელ მუსიკოსებთან ერთად, რა თქმა უნდა, ფესტივალზე წარმოდგენილნი იქნებიან ქართველი შემსრულებლებიც: Bedford Falls, MokuMoku, Eko & Vinda Folio, Killages, წერილი და სხვები.

ლისი ვანდერლენდში მსმენელს სამი დღის განმავლობაში შესაძლებლობა ექნება ელექტრონული მუსიკის ისეთ შემოქმედებსაც მოუსმინოს, როგორებიც არიან Konstantin, Acid Pauli, Petre Inspirescu და სხვები.

შემსრულებელთა სრული სია ასე გამოიყურება:

ფოტო: Tbilisi Open Air

ყველაზე ცნობილი ქართული მუსიკალური ფესტივალი წელს 24, 25 და 26 ივნისს ტრადიციულად ლისი ვანდერლენდში გაიმართება.

სულ რამდენიმე დღის წინ გახდა ცნობილი, რომ 2-წლიანი პაუზის შემდეგ Tbilisi Open Air ჩატარდებოდა. ორგანიზატორების განცხადებით, წლევანდელ ფესტივალზე გაყიდული ბილეთებიდან შემოსული თანხის ნაწილი უკრაინის დასახმარებლად შექმნილ ფონდში გადაირიცხება. ადგილზე გაიყიდება უკრაინის თემატიკის პროდუქციაც და შემოსული თანხაც იმავე ფონდში გადაირიცხება. ამასთანავე შეიქნება დონაციის პლატფორმა, რომლის საშუალებითაც, უკრაინელების დასახმარებლად თანხის გაღება იქნება შესაძლებელი.

ინფორმაცია ბილეთების შესახებ:

ბილეთის შეძენა შესაძლებელია ონლაინ, მისამართზე: http://tkt.ge//openair

  • 30 მარტიდან 18 აპრილის ჩათვლით შეზღუდული რაოდენობის EARLY BIRD აბონემენტი 135 ლარად გაიყიდება.
  • 18 აპრილის ჩათვლით, თიბისი ბანკის ბარათის მფლობელებისთვის იმოქმედებს 20%-იანი ფასდაკლდება და აბონემენტის ღირებულება 108 ლარი იქნება.
  • 19 აპრილიდან 31 მაისის ჩათვლით სამდღიანი აბონემენტის ღირებულება იქნება 150 ლარი, ამ პერიოდში დაიწყება დღიური ბილეთების გაყიდვაც, რომლის ფასიც 60 ლარი იქნება.
  • 1-იდან 23 ივნისის ჩათვლით აბონემენტის შეძენა 175 ლარად იქნება შესაძლებელი, ხოლო დღიური ბილეთის — 75 ლარად.

ფესტივალის მსვლელობისას აბონემენტის და დღიური ბილეთის შეძენას კარზე შეძლებთ: სადღიანი აბომენეტი — 180 ლარი; დღიური ბილეთი — 80 ლარი;

შენიშვნა: 10 წლამდე ბავშვები ფესტივალზე შემოდიან უფასოდ ბილეთის მფლობელ ზრდასრულ ადამიანთან ერთად.