ჰაკერული დაჯგუფება Anonymous ამბობს, რომ რუსეთის ცენტრალური ბანკი გატეხეს. მათი თქმით, მომდევნო 48 საათის განმავლობაში 35 000-ზე მეტ ფაილს გამოაქვეყნებენ. ამის შესახებ დაჯგუფება ინფორმაციას Twitter-ზე ავრცელებს.

ჰაკერებმა რუსეთს, უკრაინაში შეჭრის გამო, და უკვე ბელარუსსაც, მისი დახმარებისთვის, კიბერომი გამოუცხადეს.

ზუსტად ერთი თვის წინ, 24 თებერვალს ვლადიმერ პუტინმა უკრაინაში ომი დაიწყო. რუსეთმა უკვე დაკარგა ათასობით ჯარისკაცი, მოკლა ასეულობით ბავშვი და ათასობით მშვიდობიანი მოქალაქე, დაანგრია ათეულობით ქალაქი და ათასობით საცხოვრებელი სახლი, თუმცა კვლავ არ აღიარებს, რომ ომს აწარმოებს და მას "სამხედრო ოპერაციას" უწოდებს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში