აშშ-ს პირველი ქალი სახელმწიფო მდივანი, მადლენ ოლბრაიტი 84 წლის ასაკში გარდაიცვალა. ინფორმაცია მისი ოჯახის წევრებმა გაავრცელეს.

ოლბრაიტი იყო აშშ-ის ელჩი გაეროში, შემდეგ კი ქვეყნის მთავარი დიპლომატი გახდა. ის ხელმძღვანელობდა აშშ-ს დიპლომატიას ცივი ომის შემდგომ პერიოდში, ბილ კლინტონის პრეზიდენტობისას. ოლბრაიტი აწარმოებდა მოლაპარაკებებს რუსეთთან და მხარს უჭერდა ჩრდილოატლანტიკური ალიანსის გაფართოებას ყოფილი საბჭოთა ქვეყნების ჩათვლით.

ის უბიძგებდა ალიანსს ჩარეულიყო ბალკანეთში გენოციდისა და ეთნიკური წმენდის შესაჩერებლად, ცდილობდა შეემცირებინა ბირთვული იარაღის გავრცელება და მხარს უჭერდა ადამიანის უფლებებსა და დემოკრატიას მთელს მსოფლიოში.

New York Times-ზე გამოქვეყნებულ Op-ed-ში, რომელიც უკრაინაში ომის დაწყებამდე გავრცელდა, ოლბრაიტი აცხადებდა, რომ ვლადიმერ პუტინი "ისტორიულ შეცდომას" დაუშვებდა, თუ უკრაინაში შეიჭრებოდა და აფრთხილებდა მას ქვეყნისთვის დამანგრეველი შედეგების შესახებ.