24 თებერვლიდან დღემდე უკრაინელები საკუთარი სამშობლოს დასაცავად რუსი ოკუპანტების წინააღმდეგ იბრძვიან. უკრაინისა და უკრაინელების მხარდასაჭერად მსოფლიოში რიგითი ადამიანები თუ კომპანიები ფულსა და საჭირო ნივთებს აგროვებენ. ამ საქმეში საკუთარი წვლილის შეტანა ჩიკაგოში მდებარე მაღაზია Citizen Brick-მაც გადაწყვიტა.

Citizen Brick კომპანია LEGO-სთან მხოლოდ ის აკავშირებს, რომ Citizen Brick-ში ისეთ ფიგურებს ამზადებენ, რომლებსაც ლეგოში ვერ ნახავთ. ამჯერად კი გადაწყვიტეს, უკრაინისადმი მხარდაჭერა ქვეყნის პრეზიდენტის, ვოლოდიმირ ზელენსკისა და მოლოტოვის კოქტეილების ფიგურების დამზადებით გამოეხატათ.

ფოტო: Citizen Brick

ფოტო: Citizen Brick

მსურველებს ზელენსკის ფიგურის ყიდვა $100 დოლარად შეეძლოთ, მოლოტოვის კოქტეილები კი $10 დოლარი ღირდა. პროდუქციამ საზოგადოების მოწონება დაიმსახურა, რის გამოც პირველი პარტია მალევე ამოიყიდა და კომპანიას მეორე პარტიის დამატებაც დასჭირდა.

ფიგურების პირველი პარტიის გაყიდვით კომპანიამ $16 000 შეაგროვა, მეორე პარტიის გაყიდვით კი დამატებით — $145 000. თანხა საქველმოქმედო ორგანიზაცია Direct Relief-ში გადაირიცხა და მთლიანად უკრაინელების დახმარებას მოხმარდება.

ამავე თემაზე: