უკრაინის პრეზიდენტმა, ვოლოდიმირ ზელენსკიმ იტალიის პარლამენტს მიმართა და უთხრა, რომ რუსეთის აგრესიაზე დაგვიანებული რეაქციის ფასი ბავშვების სიცოცხლეა.

"ძვირფასო იტალიელებო! როდესაც ერთი კვირის წინ სიტყვით გამოვედი მიტინგზე ფლორენციაში და ევროპის ათეულობით სხვა ქალაქში, ვთხოვე ყველა ევროპელს დაემახსოვრებინათ რიცხვი 79. იმ დროს უკრაინაში ამდენი ბავშვი იყო დადუპული. ახლა — 117. კიდევ 38 ბავშვი ამ დროში. ასეთია დაგვიანების ფასი. რუსეთზე ზეწოლის დაგვიანების, რომ შეწყვიტოს სასტიკი ომი", — განახადა ზელენსკიმ.

უკრაინის პრეზიდენტმა იტალიას რუსეთის ფედერაციის წინააღმდეგ სრული ემბარგოს და ოლიგარქების აქტივების დაბლოკვისკენ მოუწოდა.

"თქვენ იცნობთ მათ, ვინც ომი მოუტანა უკრაინას. თქვენ კარგად იცნობთ მათ, ვინც ბრძანებს ბრძოლას და მათ, ვინც ამის პროპაგანდას ახდენს. თითქმის ყველა მათგანი იყენებს იტალიას დასასვენებელ ადგილად. ასე რომ, ნუ იქნებით მკვლელების კურორტი", — განაცხადა უკრაინის პრეზიდენტმა.

ზელენსკის თქმით, რუსული ბანკებისთვის სანქციებზე გამონაკლისი არ უნდა იყოს, რადგან ადრე ევროკავშირმა მხოლოდ 7 რუსული ბანკი ჩახსნა SWIFT-ის სისტემიდან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში