ევროკავშირის ელჩის საქართველოში, კარლ ჰარცელის განცხადებით, ევროკავშირი არ ცნობს ოკუპირებული აფხაზეთის ე.წ. არჩევნების კონსტიტუციურ და იურიდიულ ჩარჩოებს. მისი თქმით, ევროკავშირი მხარს უჭერს საქართველოს ტერიტორიულ მთლიანობას და სუვერენიტეტს, საერთაშორისო სამართლის მიერ აღიარებულ საზღვრებში.

"რაც შეეხება ე.წ. საპარლამენტო არჩევნებს, რომელიც საქართველოს თვითგამოცხადებულ რეგიონში, აფხაზეთში, 2022 წლის 12 მარტს ჩატარდა, შეგახსენებთ, რომ ევროკავშირი არ ცნობს იმ კონსტიტუციურ და იურიდიულ ჩარჩოებს, რომელშიც ის გაიმართა.

ევროკავშირი გააგრძელებს მისი არაღიარებისა და ჩართულობის პოლიტიკას. ევროკავშირის სპეციალური წარმომადგენელი სამხრეთ კავკასიაში და საქართველოში კრიზისის საკითხებში ამ მხრივ სრულად ჩართულია", — აღნიშნავს ჰარცელი.

დღეს, 12 მარტს ოკუპირებულ აფხაზეთში მარიონეტული რეჟიმი ე.წ. საპარლამენტო არჩევნებს ატარებს. ამას გამოეხმაურა შერიგებისა და სამოქალაქო თანასწორობის საკითხებში სახელმწიფო მინისტრის აპარატი და აღნიშნა, რომ ე.წ. საპარლამენტო არჩევნებს საქართველოს მთავრობა და საერთაშორისო თანამეგობრობა მას არ ცნობს.

გაიგეთ მეტი: