Twitter Inc ბელარუსის სახელმწიფო მედიისა და მათი თანამშრომლების პოსტებზე სპეციალურ ნიშნებს დაამატებს, რათა მათი გავრცელება შეიზღუდოს. ამის შესახებ Reuters წერს და აცხადებს, რომ ეს უკრაინაში ომის დროს რუსეთის მოკავშირეების მხრიდან დეზინფორმაციის შეზღუდვას ისახავს მიზნად.

ბოლო წლების განმავლობაში სოციალური მედიის პლატფორმებმა, მათ შორის Twitter-მა, სახელმწიფო მაუწყებლობებისა და ახალი ამბების ვებსაიტების ანგარიშების მარკირება დაიწყეს, რათა მითითებული იყოს, რომ კონკრეტული ორგანიზაციები მთავრობების მიერაა მხარდაჭერილი. ეს ანგარიშები და მათი პოსტები Twitter-ს საძიებო სისტემაში ლიმიტირებულია.

Twitter საიტის ინტეგრაციის ხელმძღვანელმა, იოელ როტმა ჟურნალისტებს განუცხადა, რომ კომპანია ბელარუსის, სულ მცირე, 15 ანგარიშს შეზღუდავს, მათ შორის, ერთ-ერთი იქნება ახალი ამბების ყველაზე დიდი სააგენტო, BelTa.

"ჩვენ ვნახეთ მტკიცებულებები, რომ ეს პლატფორმები, ასევე, მათი ფილიალები რუსეთში მონაწილეობას იღებენ საინფორმაციო ომში — მედიასა და სხვა აქტივებს იმისთვის იყენებენ, რომ ხელსაყრელი ნარატივები გაავრცელონ და საზოგადოება დააბნიონ", — თქვა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში