რუსეთის მხრიდან უკრაინაზე თავდასხმის შემდეგ პირველად, ლარი დოლართან მიმართებით გამყარდა და ერთი დოლარის ღირებულება 3,3189 ლარს გაუტოლდა. ეს ნიშნავს იმას, რომ აქამდე მოქმედ კურსთან შედარებით ლარი დოლართან 8,3 თეთრით გამყარდა.

როგორც ჩანს, ლარის გამყარების ერთ-ერთი მიზეზი ეროვნული ბანკის მხრიდან გუშინ განხორციელებული სავალუტო ინტერვენციაა — 9 მარტს, საქართველოს ეროვნულმა ბანკმა 39 570 000 აშშ დოლარი გაყიდა.

რაც შეეხება ევროს, ამ ვალუტასთან მიმართებით ლარი 7,53 თეთრით გაუფასურდა და ერთი ევრო 3,6607 ლარს გაუტოლდა.

რუსეთის მხრიდან უკრაინაში შეჭრის შემდეგ ლარი დოლართან მიმართებით 30,27 თეთრით, ხოლო ევროსთან 23,58 თეთრით არის გაუფასურებული.

სებ-ის მიერ დღეს დადგენილი გაცვლითი კურსი ხვალ, 11 მარტს შევა ძალაში.