მსოფლიოში ერთ-ერთი ყველაზე ცნობილი ჰაკერული ჯგუფი Anonymous წერს, რომ კიბერთავდასხმა მომავალში ბელარუსისა და საქართველოს მთავრობებზეც განხორციელდება. მათ ერთ-ერთი მომხმარებლის კომენტარი გადატვიტეს, რომლელიც წერდა, რომ საქართველოს მთავრობა მხარს უჭერდა რუსეთს და სთხოვდა, რაიმე გაეკეთებინა ამის გამო.

"კიბერთავდასხმები განხორციელდება ბელარუსის და საქართველოს მთავრობებზეც, ჩვენი ყველა ქმედების საჯაროდ გაზიარება არ შეიძლება, მაგრამ მიუხედავად ამისა, ზოგიერთ მათგანს, დიდი ალბათობით, გავასაჯაროებთ. შეტევები რუსეთის ხელისუფლების წინააღმდეგაც გაგრძელდება. ყველა მათგანი ჩვენი სამიზნეა", — წერენ ტვიტერზე.

Anonymous სხვადასხვა ტვიტერით ავრცელებს ინფორმაციას, მათ შორისაა ეს მისამართიც. სწორედ ამ გვერდზე გაავრცელეს აქამდე ინფორმაცია გაზპრომის გათიშვის შესახებ, გათიშვამდე კომპანიას კითხვაც კი დაუსვეს — "გინდა ვითამაშოთ?"

ჰაკერებმა რუსეთს უკრაინაში შეჭრის გამო, კიბერომი გამოუცხადეს. Anonymous თქმით, რუსეთისა და ბელარუსის მთავრობების, კომპანიების, სახელმწიფო არხებისა და ბანკების 1 500 ვებგვერდი გათიშეს.

დაჯგუფების ცნობით, დაჰაკეს რუსული პროპაანდისტული არხები — Russia 24, Channel One, Moscow 24.