ევროპარლამენტარმა, ანდრიუს კუბილიუსმა პარლამენტის წინ უკრაინის მხარდასაჭერად შეკრებილ ქართველებს მიმართა, სადაც განაცხადა, რომ ევროკავშირი ფასეულობათა თანასაზოგადოებაა და ისურვებდა ქართული ხელისუფლების ამ ფასეულობების, კანონის უზენაესობის და დემოკრატიის მხარეს ყოფნას.

"თუ პუტინს სურს, რომ აიცილოს კატასტროფა, მან ომი დღესვე უნდა დაასრულოს. ომის შემდეგ აღდგენა ძალიან რთული იქნება. ევროპა სხვანაირი, ბევრად ძლიერი იქნება. უკრაინაც ასევე და ის შეუერთდება ევროკავშირს. მე იმედი მაქვს, რომ ქართველები შეძლებენ ევროპასთან ერთად ყოფნას. მე იმედი მაქვს, რომ საქართველო შეცდომებს არ დაუშვებს ამ მიმართულებით. ევროკავშირი ფასეულობათა თანასაზოგადოებაა. მე ვისურვებდი, რომ ქართული ხელისუფლება ამ ფასეულობების, კანონის უზენაესობის და დემოკრატიის მხარეს იქნება, არ მოხდება პოლიტიზაცია. ჩვენ გვიყვარს საქართველო. ჩვენ გვიყვარს ქართველები და გვინდა, რომ ევროკავშირის ოჯახის წევრად დავინახოთ. დავიცვათ თქვენი არჩევანი, დავიცვათ უკრაინა, დავიცვათ ევროკავშირი. ჩვენ გავიმარჯვებთ! პუტინი ამ ბრძოლას წააგებს! გაუმარჯოს საქართველოს", — განაცხადა მან.