რუსეთის სპეცსამსახურებმა სანქტ-პეტერბურგის მეტროში მომხდარი ტერაქტის დამკვეთის ვინაობა დაადგინეს. ამის შესახებ რუსეთის პრო-სახელისუფლებო სააგენტო RIA ავრცელებს ინფორმაციას.

"ფაქტობრივად დადგენილია," - აცხადებს უსაფრთხოების ფედერალური სამსახურის დირექტორი ალექსანდრ ბორტნიკოვი. ჟურნალისტის დამაზუსტებელ კითხვაზე ბორტნიკოვმა უფრო ნამდვილად დაადასტურა, რომ პირის ვინაობა დადგენილია.

ტერაქტის საქმეზე ათამდე ადამიანია დაკავებული. სამ ივნისამდე, სასამართლომ დააკავა ყირგიზეთის მოქალაქე აბრორ აზიმოვი, რომელიც თავდასხმის ორგანიზებაშია ეჭვმიტანილი.

სანქტ-პეტერბურგის მეტროში ტერაქტი სამ აპრილს მოხდა. აფეთქების შედეგად 15 ადამიანი დაიღუპა, მათ შორის, ტერაქტის სავარაუდო შემსრულებელი აკბარჟონ ჯალილოვი.