საერთაშორისო ოლიმპიური კომიტეტი რეკომენდაციას აძლევს სპორტულ ფედერაციებს, რომ რუსეთისა და ბელარუსის სპორტსმენებს აეკრძალოთ შეჯიბრებებში მონაწილეობა უკრაინაში მიმდინარე მოვლენების გამო.

IOC რეკომენდაციებს შორისაა:

1. ორგანიზაცია რეკომენდაციას უწევს ორგანიზატორებს, არ მიიწვიონ და არ დაუშვას რუსი და ბელარუსი სპორტსმენების და ოფიციალური პირების მონაწილეობა საერთაშორისო შეჯიბრებებში.

2. უკვე დაგეგმილ ღონისძიებებზე IOC EB მკაცრად მოუწოდებს სპორტის საერთაშორისო ფედერაციებსა და სპორტული ღონისძიებების ორგანიზატორებს, რომ რუსეთისა და ბელარუსიის მოქალაქეები, იქნება ეს ინდივიდუალურად თუ გუნდურად, მონაწილეობა მხოლოდ ნეიტრალურ სპორტსმენებად ან ნეიტრალურ გუნდებად უნდა მიიღონ. არ უნდა გამოიყენონ სიმბოლიკა — ფერები, დროშები ან ჰიმნები.

3. ორგანიზაცია გასცემს მკაცრ რეკომენდაციას არ მოეწყოს რაიმე სპორტული ღონისძიება რუსეთსა და ბელარუსში.

4. საერთაშორისო ოლიმპიური კომიტეტის აღმასრულებელმა საბჭომ, შექმნილი განსაკუთრებული მდგომარეობის გამო, მიიღო გადაწყვეტილება, რომ ოლიმპიური ორდენი ჩამოერთვას ყველა იმ ადამიანს, რომელიც რუსეთის ფედერაციაში ან მასთან დაკავშირებულ რომელიმე ორგანიზაციაში მაღალ თანამდებობას იკავებს. ამის მიზეზი რუსეთის მხრიდან ოლიმპიური შეთანხმების (ზავის) უხეში დარღვევაა როგორც ახლა, ისე წარსულში:

  • ვლადიმერ პუტინი, რუსეთის ფედერაციის პრეზიდენტი;
  • დიმიტრი ჩერნიშენკო, რუსეთის ფედერაციის ვიცეპრემიერი;
  • დიმიტრი კოზაკი, პრეზიდენტის აღმასრულებელი აპარატის უფროსის მოადგილე.

5. IOC EB მიესალმება და აფასებს სპორტსმენების, სპორტის ოფიციალური პირების და მსოფლიო ოლიმპიური თანამეგობრობის წევრების მრავალ მოწოდებას მშვიდობისაკენ. "IOC აღფრთოვანებულია და განსაკუთრებით მხარს უჭერს რუსი სპორტსმენების მოწოდებებს მშვიდობისაკენ".

6. ორგანიზაცია მხარს უჭერს უკრაინას და უცხადებს სოლიდარობას.

ორგანიზაციის განცხადებაში ნათქვამია, რომ ისინი გააგრძელებენ მონიტორინგს და გადადგავს მომდევნო ნაბიჯებს მოვლენების შესაბამისად.

საოკუპაციო ძალებმა ხარკოვი დაბომბეს. შინაგან საქმეთა მინისტრის მრჩეველის, ანტონ გერაშენკოს თქმით, არის მსხვერპლი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში