უკრაინელი სამხედროები მოქალაქეებს მტრის შესაჩერებლად რჩევებს აძლევენ. უკრაინის სახმელეთო არმიის განცხადებით, სხვადასხვა ორგანო ყველაფერს აკეთებს და სიცოცხლეს თმობენ და თუ მოქალაქეებიც ისე მოიქცევიან, როგორც ისინი წერენ, მათ "ბოროტების დამარცხებაში" დაეხმარებიან.

უკრაინელ სამხედროთა რეკომენდაციები ასეთია:

  • თუ ტანკების კოლონას დაინახავთ, ეს ნიშნავს, რომ მას აუცილებლად მოჰყვება საწვავის მანქანების კოლონა. გააკეთეთ ყველაფერი იმისთვის რომ მათ ვერ გაიარონ. დაბლოკეთ გზები, წააქციეთ ხეები, გაშალეთ ბადეები, გამოიყენებთ ნებისმიერი მეთოდი. არ არის საწვავი — არ არის ტექნიკა;
  • თუ ხედავთ რომ კოლონა შევიდა ტყეში, ასევე, წააქციეთ ხეები, არ მისცეთ გამოსვლის საშუალება;
  • თუ იცით რომ მტერი ტყეშია და ამაში 100%-ით ხართ დარწმუნებული, არ დაინდოთ ტყე, ცეცხლი წაუკიდეთ — ახალი გაიზრდება ოკუპანტის ძვლებზე;
  • ვისაც გყავთ ექსკავატორები, გათხარეთ დასახლებულ პუნქტთან გათხარეთ გზები, რომ მტერმა გასვლა ვერ შეძლოს, არ დაელოდოთ რომ ამას თქვენს მაგივრად ვინმე გააკეთებს;
  • ოპტიკური სამიზნე იარაღის მფლობელების საყურადღებოდ — არ არის საჭირო მტერთან ღიად შებრძოლება, ისროლეთ შორიდან ბორბლებში, ეს გააჩერებს ტრანსპორტს — შემდეგ სიტუაციის მიხედვით იმოქმედებთ.
  • მოხსენით მაჩვენებლები დასახლებებში, თქვენ ორიენტირება შეგიძლიათ, მტერს — არა. თუ გეკითხებიან სად ვიმყოფებითო, გამოიჩინეთ ფანტაზია, მოატყუეთ მტერი.

  • ყველას აქვს ინფორმაცია ნიშნებზე, რომელსაც დივერსანტები მნიშვნელოვან ობიექტებთან, შენობებზე აყენებენ. დაფარეთ მიწით, გაანადგურეთ ნებისმიერი გზით

  • თუ გაქვთ ინფორმაცია, რომ მტერი გიახლოვდებათ, დაწვით ჩალა, საბურავები დიდი ოდენობით — შავი კვამლი მოატყუებს მტერს და ეგონება, რომ დასახლებული პუნქტი უკვე დაბომბილია, ეს მოგცემთ საშუალებას რომ დრო მოუგოთ.

ომის მესამე დღეს უკრაინა პოზიციებს ინარჩუნებს. 26 თებერვალს უკრაინულმა ძალებმა მეტროსადგურ ბერესტეისკასთან რუსული დანაყოფების კოლონა გაანადგურეს, ვასილკოვისთვის ბრძოლა უკრაინის შეარაღებული ძალების გამარჯვებით დასრულდა, უკრაინის დროშა ფრიალებს ხერსონშიც.

უკრაინის შეიარაღებული ძალების ინფორმაციით, ამ დროისთვის დაღუპულია 3 500-ზე მეტი რუსი ჯარისკაცი, ხოლო 200-მდე სამხედრო ტყვედაა აყვანილი.

26 თებერვალს რუსულმა საოკუპაციო ძალებმა რაკეტა ისროლეს კიევის მიმართულებითაც — დაიბომბა საცხოვრებელი კორპუსი, რასაც ორი ადამიანი ემსხვერპლა.

24 თებერვალს პუტინმა უკრაინაში ომი დაიწყო. კრემლში ამტკიცებენ, თითქოს მშვიდობიან მოსახლეობას თავს არ ესხმიან, რაც ტყუილია — იბომბება დასახლებები, ბაღები, სკოლები, საავადმყოფოები. რუსეთმა უკრაინას სხვადასხვა ტერიტორიიდან შეუტია და ახლა საომარი მოქმედებები ქვეყნის არაერთ რეგიონსა და ქალაქში მიმდინარეობს, მათ შორის, კიევის ოლქთან.

ორივე მხარეს არის დანაკარგები — დაიღუპა ასეულობით მშვიდობიანი მოქალაქე და სამხედრო პირი. რუსული ჯარები ცდილობენ ხელში ჩაიგდონ მნიშვნელოვანი ობიექტები, უკრაინა მათ წინააღმდეგობას უწევს. სამხედრო მოქმედებებს თან ახლავს კიბერშეტევები, დეზინფორმაციისა და პროპაგანდის ტალღა.

ვოლოდიმირ ზელენსკიმ ქვეყანაში ჯერ სამხედრო მდგომარეობა, შემდეგ კი საყოველთაო მობილიზაცია გამოაცხადა და თქვა, რომ იარაღს მისცემენ ყველას, ვისაც ქვეყნის დაცვა ენდომება. ზელენსკიმ არაერთხელ მოუწოდა პარტნიორებს დახმარებისა და სერიოზული ნაბიჯების გადადგმისკენ და აღნიშნა, რომ ომი არამხოლოდ უკრაინაში, არამედ ევროპაშია.

ევროკავშირმა, აშშ-მ, დიდმა ბრიტანეთმა, კანადამ, იაპონიამ, ავსტრალიამ, სამხრეთ კორეამ, ტაივანმა, ახალმა ზელანდიამ, გერმანიამ რუსეთს სანქციები დაუწესეს, რომელიც მოიცავს ფინანსურ შეზღუდვებს ფიზიკურ და იურიდიულ პირებზე, რუსულ ელიტაზე, ოლიგარქებზე, მსხვილ ბანკებზე, ავიაკომპანიებზე. უკრაინა უფრო ეფექტური ნაბიჯების გადადგმას ითხოვს. აშშ-მ დაასანქცირა ვლადიმერ პუტინი და სერგეი ლავროვიც.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში