თიბისი ბანკის გადაწყვეტილებით, თიბისის მომხმარებლების მიერ უკრაინის ეროვნული ბანკის მიერ გამოქვეყნებულ ოფიციალურ საქველმოქმედო ანგარიშზე, ქველმოქმედების დანიშნულებით გადარიცხული თანხების საკომისიოს ბანკი თავად დაფარავს.

"ჩვენი რეკომენდაციაა, მომხმარებლებმა საბანკო გადარიცხვისას დანიშნულებაში საქველმოქმედო ფონდის შესაბამისი აღნიშვნა — ქველმოქმედება/Donation გამოიყენონ. ამ ანგარიშზე გადარიცხულ თანხაზე ჩამოჭრილი საკომისიო თიბისის მომხმარებლებს უკან დაუბრუნდებათ", — აღნიშნავენ თიბისში.

ციფრული არხებით გადარიცხვისას თიბისი მომხმარებლებს ურჩევს, მიუთითონ შესაბამისი აღნიშვნა — (Sha).

"გთხოვთ, გაითვალისწინოთ, ციფრული არხებიდან გარე სავალუტო გადარიცხვა შესაძლებელია მხოლოდ ინტერნეტბანკით. მომხმარებლებს ვურჩევთ, გადარიცხვისას მიუთითონ შესაბამისი აღნიშვნა — (Sha).

არსებობს ალბათობა, შექმნილი ვითარება გამოყენებულ იქნეს თაღლითების მიერ, ასევე ვრცელდება არაერთი გადაუმოწმებელი და ყალბი ანგარიში. მომხმარებლების დაცვის მიზნით, მოქალაქეებს ვურჩევთ, დარწმუნდნენ მონაცემების ნამდვილობაში და გამოიყენონ უკრაინის სახელმწიფოს ოფიციალური წყაროების მიერ გავრცელებული საბანკო ანგარიშები", — ამბობენ თიბისში.

თიბისი ბანკი შენიშვნის სახით აღნიშნავს, რომ ზოგიერთ შემთხვევაში, შესაძლოა, მიმღებმა თანხა სრულად ვერ მიიღოს, რაც დაკავშირებულია შუამავალი ბანკების საკომისიო გადასახადთან. მათი თქმით, ასეთ შემთხვევებზე სს თიბისი ბანკი პასუხისმგებლობას ვერ აიღებს.

უკრაინის ეროვნული ბანკის სპეციალური ანგარიშის ნომერი:

Bank of Beneficiary: National Bank of Ukraine;
SWIFT: NBUAUAUX
Beneficiary Account Number: UA843000010000000047330992708
Beneficiary: National Bank of Ukraine