"არაუშავს, ირაკლი. როდესაც ომი დამთავრდება და სამხედრო თვითმფრინავების ნაცვლად სამგზავრო თვითმფრინავები იფრენენ, შეგიძლია აღარ ჩამოხვიდე", — ასე ეხმაურება უკრაინის რადას დეპუტატი, ალექსეი გონჩარენკო ირაკლი ღარიბაშვილის განცხადებას იმის შესახებ, რომ კიევში ჩაკეტილი საჰაერო სივრცის გამო ვერ ჩადის.

"ქართველებო, ძმებო, როგორ მოგწონთ ეს? დაგავიწყდათ 2008 წელს როგორ ჩამოფრინდა ჩვენი პრეზიდენტი თბილისში, როდესაც რუსული ტანკები დადიოდნენ? შეეგუებით ამას, თუ აუხსნით სახალხოდ ღარიბაშვილს, რა უნდა გააკეთოს?", — აცხადებს დეპუტატი.

პრემიერმინისტრმა, ირაკლი ღარიბაშვილმა დღეს, 25 თებერვალს განაცხადა, რომ საქართველო რუსეთს ფინანსურ და ეკონომიკურ სანქციებს არ დაუწესებს. მანვე კიევში არჩასვლის მიზეზი დაკეტილი საჰაერო სივრცით "ახსნა".