კიევის ადმინისტრაციამ ტელეგრამზე გაავრცელა ინფორმაცია, რომ კიევში საჰაერო საფრთხე დაფიქსირდა. ადგილობრივებს მოუწოდებენ, მზად ჰქონდეთ საჭირო ნივთები და საჭიროების შემთხვევაში წავიდნენ თავშესაფარში.

"სირენების ჩართვის შემთხვევაში, ყველას ვთხოვთ სასწრაფოდ წავიდნენ სამოქალაქო დაცვის თავშესაფრებში!" — აცახდებს კიევის ადმინისტრაცია.

გარდა ამისა, კიევის მერმა, ვიტალი კლიჩკომ ხალხს მოუწოდა მზად ჰქონდეთ დოკუმენტები და "განგაშის ჩემოდანი".

"ძვირფასო კიეველებო! უკრაინას თავს ესხმის აგრესორი. კიევში ჭურვების აფეთქების ხმა ისმის. ყველაზე საშინელი მტერი ახლა არის პანიკა. ჩვენ არ ვკარგავთ გამძლეობას.

ვინც არ არის ჩართული ქალაქის კრიტიკული ინფრასტრუქტურისა და სასიცოცხლო მნიშვნელობის ფუნქციონირებაში, დარჩით სახლში. მზად გქონდეთ "განგაშის ჩემოდანი", საბუთები და საჭირო მინიმალური ნივთები, რომ საჭიროების შემთხვევაში, თავშესაფარში ან საცავში სწრაფად მიხვიდეთ.

დედაქალაქის ხელისუფლება ქალაქშია", — დაწერა კლიჩკომ ფეისბუქზე.

პუტინმა უკრაინაში ომი დაიწყო, რომელსაც თავად სპეციალურ "სამხედრო ოპერაციას" უწოდებს და მიზეზად ოკუპირებული დონეცკისა და ლუგანსკის სეპარატისტი ლიდერების "დახმარების თხოვნას" ასახელებს. ის ამტკიცებს, თითქოს ეს "ოპერაცია" არის თავდაცვა მათგან, ვინც "უკრაინა ტყვედ აიყვანა". ტრადიციულ პროპაგანდისტულ მოტივებზე პუტინი იმეორებს, რომ არ აპირებს უკრაინის ოკუპაციას და უკრაინელი ხალხის თვითგამორკვევის უფლებას უჭერს მხარს.

უკრაინის შინაგან საქმეთა მინისტრის მრჩეველის, ანტონ გონჩარენკოს განცხადებით, განხორციელდა სარაკეტო დარტყმები სამხედრო ადმინისტრაციის ცენტრებზე, აეროდრომებზე, სამხედრო საცავებზე, კიევთან, ხარკოვთან, დნეპერთან. მისივე თქმით, ხდება საზღვრის საარტილერიო დაბომბვა.

უკრაინის სააგრეო საქმეთა მინისტრი, დმიტრი კულება აცხადებს, რომ რუსეთმა მათ წიანაღმდეგ სრულმასშტაბიანი ომი დაიწყო და მშვიდობიან ქალაქები იბომბება. მისი თქმით, უკრაინა თავს დაიცავს და მსოფლიომ პუტინი ახლავე უნდა შეაჩეროს.

უკრაინის პრეიდენტმა, ვოლოდიმირ ზელენსკიმ სამხედრო მდგომარეობა გამოაცხადა. მან მოუწოდა ხალხს, არ აყვნენ პანიკას. მისი თქმით, ყველაფრისთვის მზად არიან და ყველას დაამარცხებენ.

ამავე თემაზე:

გაიგეთ მეტი: