თუ ყავა გიყვართ, ალბათ, ისიც გეცოდინებათ, რომ ეს სასმელი კბილებისთვის მაინცდამაინც სახარბიელო არ არის. ბევრი ყავის სმა კბილებზე ნადებს აჩენს და მათ სითეთრეს ართმევს.

ამ პრობლემის გადასაჭრელად, რომელიც როგორც აღმოჩნდა, გადაჭრას საჭიროებს, ძმებმა ადამ და დეივიდ ნაგიებმა გადაწყვიტეს. მათ შექმნეს უფერო ყავა, რომელიც, როგორც გემოთი, ასევე კოფეინის შემცველობით, არაფრით განსხვავდება ჩვეულებრივი ყავისგან.

A post shared by Clear Coffee (@clrcff) on

ტექნოლოგიას, რომლითაც მათ ყავას ფერი გამოაცალეს, ისინი საიდუმლოდ ინახავენ, მაგრამ ბოთლის ეტიკეტზე არსებული წარწერის მიხედვით, სასმელი მხოლოდ წყალს, ყავასა და კოფეინს შეიცავს და მისი დამზადებისას არც კონსერვანტები გამოუყენებიათ და არც ხელოვნური არომატიზატორები.

A post shared by Clear Coffee (@clrcff) on

CLR CFF ანუ clear coffee ჯერ-ჯერობით მხოლოდ ბრიტანეთსა და სლოვაკეთშია ხელმისაწვდომი. საქართველოში როდის შემოვა და იქნება თუ არა პოპულარული, ცხადია, ჯერ უცნობია. თუმცა ერთი რამ დანამდვილებით შეგვიძლია ვთქვათ, რომ თუ ეს სასმელი ჩვენში პოპულარული გახდება სიტყვა "ყავისფერმა" შეიძლება მნიშვნელობა შეიცვალოს.