Netflix-ის განცხადებით Stranger Things-ის მეოთხე სეზონი ორ ნაწილად გამოვა. ახალი სეზონის პირველი ნაწილის პრემიერა 27 მაისს შედგება, ხოლო მეორეს — პირველ ივლისს. Netflix-ის თქმით, შოუს უკვე მეხუთე სეზონიც დაუმტკიცდა, რომელიც ფინალური იქნება.

"რამდენიმე სცენარით, 800-ზე მეტი გვერდით, ორწლიანი გადაღებებითა და ათასობით ვიზუალური ეფექტით Stranger Things-ის მეოთხე სეზონი ყველაზე რთული აღმოჩნდა. მასში ჩართული ადამიანები შედეგებით ვამაყობთ და მოუთმენლად ველით მაყურებელთან შოუს გაზიარებას", — განაცხადეს შოუს შემქმნელებმა.

შოუს მეოთხე სეზონი დიდი დაყოვნების შემდეგ დაიწყება, რადგან მესამე სეზონი 2019 წლის 4 ივლისს გამოვიდა. სერიალის ფანებისთვის კი, რომლებიც ახალ სეზონს მოუთმენლად ელოდნენ, რამდენიმე თიზერი გადაიღეს, რომელთაგან ბოლო გასულ ნოემბერში გამოვიდა. ბოლო თიზერში ვხედავთ მილი ბობი ბრაუნისა და ნოა შნაპის პერსონაჟებს, რომლებიც კალიფორნიაში გადავიდნენ და ახალ ცხოვრებას ერგებიან.

უნდა აღინიშნოს, რომ Stranger Things ნეტფლიქსის ბოლო დროის ერთ-ერთი წარმატებულ შოუდ ითვლება. შოუ ემიზე უკვე 31-ჯერ იყო ნომინირებული, რომელთაგან ექვს კატეგორიაში გაიმარჯვა.