ბიზნესის მხარდაჭერის მიზნით თიბისი მეწარმეებს კომპანიის რეგისტრაციის გამარტივებულ გზას სთავაზობს. მათ უკვე შეუძლიათ, თიბისის 50 ფილიალში კომპანია დაარეგისტრირონ, რაშიც ბიზნეს გიდი დაეხმარებათ.

პროცესი საკმაოდ მარტივია და ბანკში ერთი ვიზიტით შესაძლებელი ხდება როგორც ბიზნესის დარეგისტრირება, ისე ანგარიშის გახსნა და სხვა ფინანსური თუ არაფინანსური ოპერაციების განხორციელება.

თიბისის ფილიალში მისულ თვითდასაქმებულს თუ კომპანიის წარმომადგენელს, დახვდებათ კვალიფიციური, მათ საჭიროებებზე ორიენტირებული ბიზნეს გიდები, რომელიც დაეხმარებათ კომპანიის რეგისტრაციაში. გარდა ამისა, ბიზნეს გიდი საბანკო და არაფინანსურ პროდუქტებსა თუ პროცესებსაც გააცნობს, რაც მეწარმეებს საკუთარი ბიზნესის უკეთ წარმართვაში და შემდგომ განვითარებაში დაეხმარება.

თუკი აქამდე მეწარმეები დროის დიდ ნაწილს კომპანიის რეგისტრაციას, საოპერაციო პროდუქტებს, სესხებსა და სხვა მნიშვნელოვანი ინფორმაციის მოპოვებას ეთმობოდა, ახლა უკვე ამ ფუნქციას ბიზნეს გიდები შეითავსებენ, რომლებმაც თიბისიში სპეციალური გადამზადება გაიარეს, ეს კი მომხმარებელს დროის დაზოგვაში დაეხმარება.