ხშირად ცნობილი წყვილების დაშორება სკანდალთან, საჯარო გარჩევებთან და ურთიერთობის გაწყვეტასთან ასოცირდება. ამის მიუხედავად, ჰოლივუდი ისეთ შემთხვევებსაც იცნობს, როცა ვარკსვლავებმა ხანგრძლივი მეგობრებისა თუ შვილების ხათრით ყოფილ პარტნიორებთან მეგობრული ურთიერთობა შეინარჩუნეს.

მაშ ასე, წარმოგიდგენთ 8 ვარსკვლავურ წყვილს, რომელიც დაშორების შემდეგაც მეგობრობს:

1. ჯენიფერ ენისტონი და ბრედ პიტი

ჯენიფერ ენისტონი და ბრედ პიტი ერთად 1998 წლიდან იყვნენ და 2005 წელს 5-წლიანი ქორწინების შემდეგ დაშორდნენ. ამის მიუხედავად, ჯენიფერის თქმით, ისინი დღემდე მეგობრობენ. გასულ წელს ისინი ზუმის საერთო შეხვედრასაც ესწრებოდნენ და ერთმანეთსაც გულიანად მიესალმნენ.

2. ენდრიუ გარფილდი და ემა სტოუნი

სპაიდერმენის ვარსკვლავები ერთმანეთს 2015 წელს დაშორდნენ, თუმცა ერთმანეთთან დღემდე მეგობრობენ:

"გვიყვარს და პატივს ვცემთ ერთმანეთს. მე მისი, როგორც ხელოვანის უდიდესი გულშემატკივარი ვარ. ჩემთვის უდიდესი ბედნიერებაა მისი წარმატება და იმის ნახვა, თუ როგორ იქცა ისეთ მსახიობად, როგორიც ახლაა. ძალიან კარგია, რომ ერთმანეთს მხარს ვუჭერთ", — განაცხადა ენდრიუმ ემას შესახებ.

3. ნინა დობრევი და იან სომერჰოლდერი

ვამპირის დღიურების წყვილი ერთმანეთს რეალურ ცხოვრებაშიც ხვდებოდა. მიუხედავად იმისა, რომ ერთმანეთს დაშორდნენ და იანმა მსახიობ ნიკი რიდზე იქორწინა, ნინა დობრევს ცოლ-ქმართან დღემდე მშვენიერი ურთიერთობა აქვს.

"არ ვფიქრობ, რომ ჩვენი მეგობრობა უცნაურია. ეს მშვენიერია. რატომ არ შეიძლება ყველა ვმეგობრობდეთ? ვფიქრობ, მშვენიერი შვილი ჰყავთ, ისინიც ბედნიერები არიან და მეც. ამაში ცუდი რა არის? პრობლემას ვერ ვხედავ", — თქვა ნინამ იანის ოჯახის შესახებ.

4. გვინეტ პელტროუ და კრის მარტინი

მსახიობი გვინეტ პელტროუ და Coldplay-ს მთავარი ვოკალისტი კრის მარტინი ერთმანეთს 2014 წელს დაშორდნენ, თუმცა დღემდე ახლო ურთიერთობას ინარჩუნებენ. ის კი არა, გვინეტის თქმით, კრისს დღემდე ოჯახის წევრად თვლის და როცა ხელმეორედ დაოჯახდა, თაფლობის თვეში კრისი და შვილებიც წაიყვანა.

5. ელიზაბეთ ჰარლი და ჰიუ გრანტი

სკანდალური დაშორების მიუხედავად, ელიზაბეთ ჰარლი და ჰიუ გრანტი მეგობრებად რჩებიან. ელიზაბეტის თქმით, ჰიუ გრანტთან 30 წელიწადზე მეტია მეგობრობს, ამიტომ მასთან ურთიერთობა ვერ გაწყვიტა. ელიზაბეთმა ისიც აღნიშნა, რომ ჰიუს ცოლთან და შვილებთანაც კარგ დამოკიდებულებას ინარჩუნებს.

6. მერაია ქერი და ნიკ კენონი

მერაია და ნიკი ერთმანეთს 2016 წელს დაშორდნენ, თუმცა დღემდე მეგობრობენ და ტყუპების გაზრდაშიც თანაბრად არიან ჩართულნი.

"ყველაფერს ვაკეთებთ იმისთვის, რომ ისინი ჯანსაღი გზებით ავღზარდოთ. ის მერაია ქერია. სხვანაირად როგორ უნდა იყოს? ის პლანეტის ერთ-ერთი ყველაზე ნიჭიერი მუსიკოსი ქალია", — განაცხადა ნიკმა.

7. მირანდა კერი და ორლანდო ბლუმი

მართალია, ცნობილი მოდელი მირანდა კერი და მსახიობი ორლანდო ბლუმი ერთმანეთს დაშორდნენ, თუმცა მეგობრობა და საერთო შვილი კვლავ აკავშირებთ. მირანდას თქმით, ორლანდოს ახალ პარტნიორთან მეგობრობს და მნიშვნელოვან მოვლენებს მასთან ერთად აღნიშნავს კიდეც.

8. ბენ აფლეკი და ჯენიფერ გარნერი

ჯენიფერ გარნერის თქმით, შვილების სათანადო აღზრდისათვის ბენ აფლეკთან კვლავ მეგობრულ ურთიერთობას ინარჩუნებს.

"ჩვენთვის მთავარი ჩვენი შვილებია — ბოლომდე ვთანხმდებით იმაზე, თუ რა გვინდა მათთვის. მართალია, ჩემი შვილის ქორწილში ჩემს ქმართან ერთად ცეკვაზე ვეღარ ვიოცნებებ, მაგრამ მათი [შვილების] სახე უნდა ნახოთ, როცა ის [ბენ აფლეკი] ოთახში შემოდის. როცა ხედავ, რომ შენს შვილებს ვიღაც ასე გულწრფელად და ძალიან უყვართ, იმ ადამიანთან აუცილებლად იმეგობრებ", — განაცხადა ჯენიფერმა.