ფრანკ-ვალტერ შტაინმაიერი გერმანიის პრეზიდენტად მეორე ვადით აირჩიეს. მან ფედერალურ კრებაზე 77%-იანი მხარდაჭერა მოიპოვა.

არჩევის შემდეგ შტაინმაიერმა განაცხადა, რომ ის დემოკრატიის ხელშეწყობის მხარესაა და რუსეთის უკრაინაში შეჭრის შემთხვევაში ომის პერსპექტივაზე გააფრთხილა.

"ჩვენ ომის საფრთხის შუაგულში ვიმყოფებით, ომის საფრთხის შუაგულ აღმოსავლეთ ევროპაში. ამაზე პასუხისმგებლობა რუსეთს ეკისრება", — განაცხადა მან.