რუსეთის ერთ-ერთ გალერეაში დაცვის ახალი თანამშრომელი სამსახურიდან პირველივე დღეს გაუშვეს. ამის მიზეზი კი ის გახდა, რომ მოწყენილმა თანამშრომელმა გალერიაში გამოფენილ $1,3 მილიონის ღირებულების ნახატზე გამოსახულ უსახო ფიგურებს თვალები მიახატა.

ანა ლეპორსკაიას ნახატი, სახელად "სამი ფიგურა" 1932-1934 წლებშია შექმნილი და ის ეკატერინბურგში ბორის ელცინის სახელობის ცენტრში იყო გამოფენილი. ვანდალიზმის შემთხვევა 7 დეკემბერს ორმა დამთვალიერებელმა შენიშნა და მაშინვე გალერეის თანამშრომლებს აცნობა.

გალერეის ხელმძღვანელის ინფორმაციით, ნახატს თვალები ჩვეულებრივი კალმით აქვს მიხატული და დაცვის თანამშრომელს ხატვისას განსაკუთრებული ძალისხმევა არ გამოუყენებია, რის გამოც ნახატი რესტავრაციას ექვემდებარება. რესტავრაციის ექსპერტების მიხედვით, აღნიშნული გალერეას $5 ათასამდე დაუჯდება.

დაცვის თანამშრომლის წინააღმდეგ გამოძიება უკვე დაწყებულია და მას სასჯელის სახით ჯარიმა და 3 თვემდე თავისუფლების აღკვეთა ემუქრება.