დიდი ბრიტანეთისა და ჩრდილოეთ ირლანდიის გაერთიანებულ სამეფოს დედოფალი ელიზაბეთ II 70 წლის განმავლობაში მართავდა. იგი ბრიტანეთის პირველი მონარქია, რომელმაც ტახტზე ყოფნის 70 წელს, "პლატინის იუბილე" აღნიშნა. დედოფლობისას ელიზაბეთი თავისი ქვეყნის ათზე მეტი პრემიერმინისტრისა და სხვა ქვეყნების არაერთი ლიდერის თანამდებობაზე ყოფნას მოესწრო. ამ ხნის განმავლობაში ერთ-ერთი ყველაზე თვალშისაცემი ჩაცმის მისეული სტილი გახდა. 70 წელია, მონარქის ფერადი სამოსი სამეფო მოდას განსაზღვრავდა.

1950-იანები

1951 წელს ელიზაბეთი პრინც ფილიპთან ერთად მალტას ეწვია, სადაც მონარქს ღია ვარდისფერი კაბა, თეთრი მოსასხამი და გრძელი ხელთათმანები ეცვა.

დედოფალი კლასიკური პიჯაკით ბალმორალის ციხესიმაგრეში, 1952 წელს.

1954 წელს, ავსტრალიის ქალაქ მელბურნში ვიზიტისას ელიზაბეთს მუქი მწვანე კაბა ეცვა.

1960-იანები

ფირუზისფერ პიჯაკში გამოწყობილი დედოფალი თავის ოჯახთან ერთად სადილობს უინძორების სასახლეში — კადრი 1969 წელს გამოსული დოკუმენტური ფილმიდან სამეფო ოჯახი.

ელიზაბეთს უინძორების სასახლეში, ოჯახთან ერთად ყოფნისას, ლურჯი კაბა აცვია — კადრი ამავე დოკუმენტური ფილმიდან.

ატმისფერ კაბაში გამოწყობილი მონარქი ხვდება ბრიტანეთის იმჟამინდელ პრემიერმინისტრს, ჰაროლდ უილსონს, 1969 წელი.

1970-იანები

ორნამენტებით გაფორმებული მუქი ლურჯი კაბით ელიზაბეთმა 1970-იანი წლები და ახალ ზელანდიაში ვიზიტი დაიწყო.

1973 წელს ახალი ათწლეულის სტილი ბრიტანეთის დედოფალმა სალათისფერი მოსასხამითა და ყვავილებით გაფორმებული ქუდით გააგრძელა.

1975 წელს, მექსიკაში ვიზიტისას, მონარქს თეთრკოპლებიანი ყვითელი კაბა და თავსაფარი ემოსა. მთავარი შტრიხი კვლავაც თეთრი ხელთათმანები და ქამარი იყო.

ისევ კოპლებიანი სამოსითა და თეთრი აქსესუარებით გამოჩნდა ელიზაბეთი 1977 წელს, ავსტრალიაში.

1977 წელს დედოფალმა წითელ პალტოს ამავე ფერის ქუდი შეუხამა.

ამავე წელს ელიზაბეთი ბარბადოსზე ცისფერ და მწვანე ტონებში გადაწყვეტილი, თუმცა, განსხვავებული ორნამენტებით გაფორმებული კაბით ჩავიდა. თეთრი აქსესუარების ტენდენცია ისევ გაგრძელდა.

1980-იანები

80-იანების დაწყებას დედოფალი ზურმუხტისფერით შეხვდა.

1985 წელს, პორტუგალიაში ვიზიტისას, ბრიტანეთის მონარქს ცისფერი პალტო და კუბოკრული ქუდი ემოსა.

დეკადის მიწურულს, 1989 წელს კი, ელიზაბეთი საკუთარ დაბადების დღეზე უელსში ჩასვლისას, იისფერ სამოსში გამოეწყო და აქსესუარების ფერად შავი არჩია.

1990-იანები

1990 წელს, მონარქი დედასთან ერთად გამოჩნდა და ისევ ვარდისფერის ჩაცმა გადაწყვიტა.

1995 წელს, მარგარეტ თეტჩერის 70-ე იუბილეს აღსანიშნავად კი, ელიზაბეთი მუქ, ზურმუხტისფერ კაბაში გამოეწყო.

საუკუნის მიწურულს, 1999 წელს, მანჩესტერში ჩასვლისას, მან შავი ორნამენტებით გაფორმებული ალისფერი პალტოს ჩაცმა გადაწყვიტა.

2000-იანები

და როგორ შეხვდა მონარქი ახალ ათასწლეულს? რა თქმა უნდა, ისევ ფირუზისფერი სამოსით, რომელიც 2002 წელს ეცვა.

2006 წელს, საზეიმო აღლუმზე, დედოფალმა ელიზაბეთმა კაბაზე ცისფერი დაიტოვა, თუმცა, მოსასხამის ფერად იისფერი არჩია.

2010-იანები

2010 წელს, კატარის დელეგაციის უინძორების სასახლეში დახვედრისას მასპინძელი მუქ წითელ სამოსში იყო გამოწყობილი.

2014 წელს დედოფალმა სამოსის ტონი შინდისფერით შეცვალა.

2016 წელს კი, სამეფო ფოსტის სამსახურის 500 წლის იუბილეს აღნიშვნისას, მონარქი თავის საყვარელ ვარდისფერს დაუბრუნდა.

2020-იანები

ვარდისფერს ელიზაბეთმა არც ახალ ათწლეულში უღალატა და 2021 წელს, კარდიფში ჩასვლისას, სამოსის ფერის შერჩევაზე ბევრი აღარ უფიქრია.

ამავე წელს, ბაიდენებთან შეხვედრისას, 95 წლის მონარქმა არც ჭრელ კაბაზე თქვა უარი.

დაბოლოს — მედიდური ლალისფერი დედოფალს ყოველთვის უხდება.