უცხო ქვეყნის სადაზვერვო სამსახურები ლეგალური და არალეგალური პოზიციებიდან ცდილობენ, საქართველოს სახელმწიფო საიდუმლოებაზე წვდომა მოიპოვონ, - ვკითხულობთ სახელმწიფო უსაფრთხოების სამსახურის 2016 წლის ანგარიშში.

სუს-ში აღნიშნავენ, რომ სხვა ქვეყნის სადაზვერვო სამსახურები ცდილობენ გადაიბარონ ან/და ჩანერგონ პირები, რათა მოიპოვონ ინფორმაცია საქართველოს პოლიტიკური, სამხედრო და ეკონომიკურ სფეროში მიმდინარე პროცესების შესახებ. უსაფრთხოების სამსახურში მიიჩნევენ, რომ მიზანი ქვეყნის საშინაო და საგარეო პოლიტიკაზე ზეგავლენის მოხდენაა.

"სხვადასხვა ქვეყნის სპეცსამსახურები სადაზვერვო ინფორმაციისა და შესაბამისად, სასურველი შედეგის მიღებას, არაძალისმიერი მეთოდების გამოყენებით, ე.წ. "რბილი ძალის" კონცეფციის მიხედვით ცდილობენ. ისინი აქტიურად იყენებენ "სახალხო დიპლომატიის" და "ინფორმაციის დივერსიის" კომპონენტებს," - ვკითხულობთ ანგარიშში, თუმცა, დაკონკრეტებული არაა, რომელი ქვეყნის სპეცსამსახურების მუშაობაზეა საუბარი.

სუს-ის სტატისტიკური მონაცემებით, დაინტერესებული ქვეყნების სპეცსამსახურებისთვის გასულ წელს 164 ორგანიზაცია-დაწესებულებაზე გაიცა სახელმწიფო საიდუმლოებაზე დაშვება, 12 შემთხვევაში კი დაბალი სანდოობის გამო უარი ეთქვათ. ამავე პერიოდში, 152 დაწესებულებაში საიდუმლოების დაცვის რეჟიმისა და საიდუმლო საქმისწარმოების კომისიური შემოწმება. გარდა ამისა, სუსმა სახელმწიფო საიდუმლოებასთან ინდივიდუალური დაშვების მსურველ 3 525 ფიზიკური პირი შეამოწმა ჩაატარა, გამოძიება დაიწყო 17 საქმეზე და პასუხისგებაში მიეცა 21 პირი, შვიდი მოქალაქე კი, ტერორისტული აქტის ჯგუფურად მომზადების ბრალდებით დააკავეს.