ქართული ოცნების დეპუტატი, ირაკლი ზარქუა ფიქრობს, რომ ევროპარლამენტარების მიერ სამი დღით ადრე მოწერა, რომ შეხვედრა უნდათ, მიუღებელი და არაადეკვატურია. ასე ეხმაურება ის ევროპარლამენტარების მიერ დაგეგმილ ვიზიტს, რომელიც გაუქმდა.

მისი თქმით, ჯერ პირველი პირები შეხვედრის ფორმატზე არ შეთანხმებულად და ევროპარლამენტარები უკვე "გამორბიან". ზარქუა ამბობს, თუ ვინმეს უცხო ქვეყანაში მოგზაურობა სურს, ეს ფორმატი ამისთვის არ უნდა გამოიყენონ და სახელმწიფოსა და ინსტიტუციას ჩრდილი არ უნდა მიაყენონ.

"ევროპარლამენტის მოწერა სამი დღით ადრე, რომ იცი რა, ჩვენ შეხვედრა გვინდა, და აბა შევხვდით, ეს არის მიუღებელი, არაადეკვატური, პირდაპირ გეტყვით [...]

მესმის, საქართველო არის ულამაზესი, უძველესი ისტორიით, თავისი კულტურით, თავისი ტრადიციებით და თუ ნახვა უნდა, მობრძანდეს, დავპატიჟებ პირადად. მაგრამ იქ სადაც არის ფორმატი, რომელიც ითვალისწინებს გარკვეულ წესდებას, პროცედურებს, ჯერ პირველი პირები არ შეთანხმებულად ფორმატზე, რა, როგორ და ახლა ევროპარლამენტარები გამორბიან, დაკავდნენ რაღაც სხვა საქმით, თუ აქვთ", — განაცხადა მან.

ჟან მონეს დიალოგის ფასილიტატორმა ევროპარლამენტარებმა განაცხადეს, რომ საქართველოს პარლამენტი პროცესის დაწყებას აჭიანურებს. მათი თქმით, საქართველოში 21-22 იანვარს დაგეგმილი ვიზიტი გადაიდო, რადგან პარლამენტის თავმჯდომარემ, შალვა პაპუაშვილმა დრო არ გამონახა.

22 იანვარს კი საქართველოს პარლამენტის თავმჯდომარის, შალვა პაპუაშვილის კაბინეტმა აღნიშნა, რომ 21 იანვარს ევროპარლამენტარების მიერ გავრცელებული განცხადება "პოლარიზაციის რისკებს ზრდის და დიალოგის დაწყების პროცესს ხელს არ უწყობს"

ამავე თემაზე: