Microsoft-მა ვიდეოთამაშების მწარმოებელი კომპანია, Activision Blizzard (ATVI) 68,7 მილიარდ დოლარად შეიძინა, რის შედეგადაც ამ უკანასკნელის აქციების ფასი გაიზარდა.

როგორც ჩანს, სათამაშო ინდუსტრიაში ერთ-ერთი ყველაზე მასშტაბურ გარიგებას საფონდო ბირჟამ უკვე უპასუხა, რადგან ბოლო ერთ დღეში Activision-ის აქციის ფასი 25%-ით არის გაზრდილი. ამჟამად კომპანიის ერთი აქცია 81,82 დოლარად ივაჭრება.

Microsoft-ის მხრიდან Activision-ის შესყიდვა კომპანიის სტრატეგიის ნაწილია, რომელიც მეტავერსზე იმედების დამყარებას გულისხმობს.

მეტავერსი ონლაინ სამყაროა, სადაც ადამიანებს ვირტუალურ გარემოში თამაში, მუშაობა და კომუნიკაცია შეუძლიათ.

გარდა ამისა, ვიდეო თამაშების მწარმოებელ კომპანიას 400 მილიონი ყოველთვიური მომხმარებელი ჰყავს — Microsoft-თვის ესეც მნიშველოვანი ფაქტორი აღმოჩნდა.

სათამაშო ინდუსტრია ყველაზე მეტად დინამიური სფეროა გასართობ სექტორში და ის გადამწყვეტ როლს ითამაშებს მეტავერსის პლატფორმების განვითარებაში

Microsoft-ის აღმასრულებელი დირექტორი, სატია ნადელა.

კვლევითი კომპანიის Mordor Intelligence-ის თანახმად, გლობალური სათამაშო ბაზარი 173,7 მილიარდ დოლარად არის შეფასებული. ანალიტიკოსების შეფასებით, ეს სექტორი 2027 წლისთვის 314,4 მილიარდს მიაღწევს.

Microsoft-ს ამ სექტორში უკვე მნიშვნელოვანი სიტყვა ეთქმის. როგორც ცნობილია მან ინვესტიცია Minecraft-ის მწარმოებელ Mojang Studios-სა და Zenimax-შიც ჩადო.

ანალიტიკოსების აზრით, Microsoft-ის მეტავერსის მიმართულებით განვითარების საქმეში ეს გარიგება მნიშვნელოვან როლს ითამაშებს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები და ივაჭრე ისეთი საერთაშორისო კომპანიების აქციებით, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა.