პატრიარქის ილია მეორეს განცხადებით, რეზო ამაშუკელის "საქართველოს გულშემატკივარი, სამშობლოს მოჭირნახულე" იყო. ილია მეორეს თქმით, "მისი ბასრი სიტყვა და მკვეთრი პოზიცია" იმ რეალობასთან შეჯახების შედეგი იყო, რომელიც გულწრფელად არ მოსწონდა.

"მართალია, მისი პოზიციისადმი საზოგადოების გარკვეულ ნაწილს განსხვავებული აზრი ჰქონდა, მაგრამ, ალბათ, ყველა, ვისაც კი სამართლიანობის გრძნობა და ლიტერატურის სიყვარული აქვს, აღიარებს, რომ იგი იყო ბობოქარი სულის დიდი პოეტი, რომელიც გამორჩეული გარეგნობით, ძლიერი ხმითა და თავისი შესანიშნავი ლექსების დეკლარირებით წარუშლელად დარჩება ჩვენს მეხსიერებაში", — ვკითხულობთ პატრიარქის სამძიმარში.

10 იანვარს ქართველი პოეტი რეზო ამაშუკელი 85 წლის ასაკში გარდაიცვალა. ამაშუკელი 1936 წელს ქუთაისში დაიბადა. 1960 წელს მან დაამთავრა თსუ-ის ფილოლოგიის ფაკულტეტი, 1957 წლიდან კი აქტიურად იბეჭდებოდა მისი ლექსები და პოემები.