შინეიდ ო'კონორის 17 წლის ვაჟი, რომელიც გაუჩინარდა და 2 დღე ეძებდნენ, გარდაცვლილი იპოვეს.

მუსიკოსმა საზოგადოებას ეს ამბავი სოციალური ქსელის მეშვეობით შეატყობინა და აღნიშნა, რომ შვილმა "მიწიერი ბრძოლის დასრულება გადაწყვიტა" და ითხოვა, რომ "მისთვის არავის მიებაძა".

"ჩემმა მშვენიერმა ვაჟმა, ნევიმ ნესტა ალი შეინ ო'კონორმა, გადაწყვიტა, მიწიერი ბრძოლა დაესრულებინა და ახლა ის ღმერთთანაა. მშვიდად განისვენოს და მის მაგალითს არავინ მიბაძოს. ჩემი შვილო, ძალიან მიყვარხარ. გთხოვ, მშვიდად განისვენე", — ვკითხულობთ მომღერლის პოსტში.

პოლიციამ მოზარდის გარდაცვალება გასულ შაბათს დაადასტურა.

შეინ ო'კონორი ხუთშაბათს დაიკარგა და მასზე ძებნა გამოცხადდა. 17 წლის ბიჭი ბოლოს დუბლინის ერთ-ერთ რაიონში ნახეს, მაგრამ ამის შემდეგ მისი ადგილსამყოფელი არავინ იცოდა. "ჩემი სამყარო შენ გარეშე დაინგრევა. შენ ჩემი გული ხარ და გთხოვ, მისი ცემა არ შეაჩერო. გთხოვ, საკუთარ თავს ზიანი არ მიაყენო, მიდი პოლიციაში და საავადმყოფოში წაგიყვანენ", — წერდა ო'კონორი დაკარგულ შვილს.

მოზარდის ძებნა მას შემდეგ შეწყდა, რაც პოლიციამ ირლანდიის ქალაქ უიკლოუში ცხედარი აღმოაჩინა და დადასტურდა, რომ ის შინეიდ ო'კონორის ვაჟი იყო. სოციალურ მედიაში მომღერალს ათასობით ადამიანმა მიუსამძიმრა.

ასევე იხილეთ: