ტესტი: დაგვიხასიათე შენი ადრესატი და გირჩევთ, რომელი წიგნი აჩუქო

წიგნი რომ ყოველთვის საუკეთესო საჩუქარია, ამაზე, მგონი, დავა არც ღირს. რა არგუმენტის მოშველიება აღარ შეიძლება ამ ნათქვამის დასამტკიცებლად — წიგნი ხომ არასდროს არ მთავრდება, ყოველთვის გრჩება, გჩუქნის ემოციებს, ინახავს მოგონებებს... მოკლედ, თუკი წიგნი ზუსტადაა შერჩეული, სწორედაც რომ საუკეთესო სანტას წოდებას იმსახურებთ. თუმცა, ეს ამბავი ადვილი არ გეგონოთ — წიგნის ზუსტად შესარჩევად მთელი გულისყურის მოკრება და ზოგჯერ სხვების დახმარებაცაა საჭირო. ჰოდა, ჩვენც რისთვის ვართ?! მოდი, ერთად შევურჩიოთ შენს ადრესატს საახალწლო საჩუქარი.

მოდი, საჩუქრის ადრესატის გაცნობა დავიწყოთ — რომელია მისი საყვარელი დღესასწაული?

უი, მართლა — შემთხვევით ისიც ხომ არ იცი, სად და როგორ აპირებს, ახალ წელს შეხვდეს?

კაი, ცოტა ხნით დღესასწაულებს შევეშვათ და წიგნებს მივხედოთ — ბავშვობაში როგორი წიგნები ეყვარებოდა, შენი აზრით?

უნდა გავიგო, რამდენად ახლოს ხართ — როგორ ესალმებით ერთმანეთს ხოლმე?

ჰმ, ჰმ, ჯერ ისევ ვფიქრობ — მისი ერთი სიტყვით დახასიათება რომ შეგეძლოს, რომელს შეარჩევდი?

დახასიათებაზე გამახსენდა — ყველაზე კარგად ადამიანს ალბათ ის აღწერს, რაზე ეცინება...

თითქმის მივხვდი უკვე, რაც უნდა გირჩიო — სად წახვიდოდი მასთან ერთად დასასვენებლად?

დაბოლოს — ყველა-ყველა და მასზე გაგებულ რომელ ამბავს ვერ დაიჯერებ?

ტესტი: დაგვიხასიათე შენი ადრესატი და გირჩევთ, რომელი წიგნი აჩუქო

შენ უნდა აჩუქო: საუბრები მეგობრებთან

სულაკაურის გამომცემლობა

მათთვის, ვისაც უნდა მარტივად, ერთი ამოსუნთქვით საკითხავი წიგნი

ფრენსისის, ბობის, ნიკისა და მელისას ურთიერთობა რეალურ ცხოვრებასა და ვირტუალურ სივრცეში ვითარდება. ისინი უსასრულოდ სვამენ და ლაპარაკობენ, ლაპარაკობენ და სვამენ, ლაპარაკობენ, ლაპარაკობენ… სექსსა და მეგობრობაზე, ხელოვნებასა და ლიტერატურაზე, პოლიტიკასა და, რა თქმა უნდა, ერთმანეთზე. მიუხედავად იმისა, რომ ფრენსისი ცდილობს, თავისი ცხოვრება მკაცრად აკონტროლოს, მისი და მელისას ქმრის, ნიკის, უწყინარი ფლირტი სრულიად მოულოდნელად ვნებიან ურთიერთობაში გადაიზრდება და ფრენსისს დღევანდელი დღით ცხოვრების მტკივნეულ მომხიბვლელობას აღმოაჩენინებს.

წიგნის შეძენას სულაკაურის გამომცემლობის წიგნის მაღაზიებში ან sulakauri.ge-ზე შეძლებ.

შენ უნდა აჩუქო: ჰომო დეუსი

სულაკაურის გამომცემლობა

მათთვის, ვისაც უქმე დღეების გამოყენება ცოდნის მისაღებად უნდა

თუ ადამიანები საკუთარი ძალისხმევით, მეცნიერებისა და ტექნოლოგიების წყალობით, პლანეტა დედამიწის ღმერთებად ვიქცევით, სამომავლო მიზნად რაღას დავისახავთ? როგორ დავიცავთ მყიფე მსოფლიოს ჩვენივე შექმნილი დამანგრეველი ძალებისგან? ისტორიისა და თანამედროვე სამეცნიერო მიღწევების ანალიზის საფუძველზე ჰარარი კაცობრიობის განვითარების პერსპექტივებს განიხილავს და ვარაუდობს, რომ ადამიანთა "ღმერთებად გადაქცევა" ჩვენი სამომავლო მისია იქნება. ავტორი, თხრობის თვითმყოფადი სტილით, საინტერესოდ გვიხსნის, როგორ და რატომ არის შესაძლებელი, ეს განზრახვა განხორციელდეს, ანდა რას შეიძლება ნიშნავდეს ადამიანის "ღმერთად ქცევა".

შენ უნდა აჩუქო: ხვლიკი საფლავის ქვაზე

სულაკაურის გამომცემლობა

მათთვის, ვისაც თანამედროვე ქართული ლიტერატურა აინტერესებს

რომანის მთავარი გმირი წარსულის სურათებით, სევდით, ოცნებებით, სიყვარულითა და მარტოობით სავსე კაცია, რომლის ცხოვრებაც ფაზლის გაბნეულ ნაწილებს ჰგავს. მისი ფიქრების, განცდებისა და ემოციების კორიანტელში იკვეთება ნაწარმოების ორი მთავარი სიუჟეტური ხაზი: პირველი მთხრობლის მეგობრის, მხატვარი გიგოს ტრაგიკული ცხოვრებისა და გარდაცვალების ამბავზე, მეორე კი მთავარი გმირის დედასთან სტუმრობისა და მათი სულიერი, ღრმა და უაღრესად ნატიფი ურთიერთობის შესახებ მოგვითხრობს.

შენ უნდა აჩუქო: ზიდჰარტა

სულაკაურის გამომცემლობა

მათთვის, ვისაც ფილოსოფია და აღმოსავლური კულტურა აინტერესებს და უნდა მოგზაურობა

ზიდჰარტა ლეგენდაა ახალგაზრდა კაცზე, რომელიც ცდილობს, ჩასწვდეს სიცოცხლის არსს და მიაღწიოს სრულყოფილებას. ზიდჰარტა, ბრაჰმანის პატივსაცემი ვაჟი, ოჯახთან ერთად ცხოვრობს ძველ ინდოეთში. სოფელში ყველა მოელის, რომ მამის მსგავსად წარმატებული ბრაჰმანი იქნება. მაგრამ მას უფრო მეტის შეცნობის სურვილი აქვს. ზიდჰარტას აზრით, ცოდნის გადმოცემა შეუძლებელია სწავლებით, მაგრამ მიღება შესაძლებელია პირადი გამოცდილებით. ამიტომ გადაწყვეტს, დამოუკიდებელი ცხოვრებისგზას დაადგეს. მეგობარ გოვინდასთან ერთად მიდის სახლიდან და იწყებს თავგადასავლებითა და ძიებით სავსე ცხოვრებას.

შენ უნდა აჩუქო: ჰარი პოტერი და ფილოსოფიური ქვა

სულაკაურის გამომცემლობა

მათთვის, ვისაც ჯადოსნური ზამთარი და დღესასწაულები უნდა

თქვენ წინაშეა ცნობილი მხატვრის, ჯიმ ქეის საოცარი ილუსტრაციებით გაცოცხლებული ჰარი პოტერი და ფილოსოფიური ქვა. ის პირველი წიგნია ჰარი პოტერის ახალი, დასურათებული სერიისა, რომელმაც უკვე მოიპოვა მსოფლიო პოტერომანების აღიარება და სიყვარული. ჯიმ ქეის დაუვიწყარი ილუსტრაციები, რომლებიც ჩვენს საყვარელ პერსონაჟებსა და ამბებს კიდევ უფრო ახლოს გვაცნობს, ჯადოსნურ სამყაროში დაუვიწყარ მოგზაურობას გვპირდება.

შენ უნდა აჩუქო: კურიერის ამბები

სულაკაურის გამომცემლობა

მათთვის, ვისაც სიცილი და გართობა უნდა

კურიერის ამბები ახალგაზრდა კაცის ცხოვრების ფრაგმენტებისგან შედგება. მთხრობელი პროფესიით მსახიობია, რომელიც თავს კურიერობით ირჩენს და თვითირონიით აღწერს იმ მწარე რეალობას, რომელშიც მას თავის გატანა უხდება ყოველდღიურად. ამ სევდიანი და თან სასაცილო ისტორიების ფონზე იხატება თბილისის ისეთი სურათი, რომელიც მხოლოდ კურიერის მოპედიდან ჩანს, მთელი თავისი შეულამაზებელი სოციალური რეალობითა და სიმძაფრით.

ბოლო ამბები:

გირჩევთ