31 დეკემბერსა და 6 იანვარს საზოგადოებრივი ტრანსპორტი გახანგრძლივებული დროით იმუშავებს. ამის შესახებ ინფორმაციას თბილისის მერია ავრცელებს.

უწყების ცნობით, 31 დეკემბერს ავტობუსები 23:00-დან 03:00 საათამდე მსურველებს მათთვის ხელსაყრელ მეტროსადგურებთან დააკავშირებენ, რის შემდეგაც, მგზავრები შეძლებენ, დანიშნულების ადგილზე მეტროს დახმარებით მივიდნენ.

"დროის აღნიშნულ მონაკვეთში, მგზავრები ავტობუსით, მეტროსა და რიყე-ნარიყალას საბაგირო ხაზის დახმარებით, გადაადგილებას უფასოდ შეძლებენ", — აღნიშნულია მერიის განცხადებაში.

მათივე ცნობით, ახალი წლის ღამეს 03:00 საათამდე იმუშავებენ შემდეგი ავტობუსები: #1; #2; #3; #6; #7; #11 (გადაადგილდება მეტროსადგურ დიდუბემდე); #12; #14; #17; #18; #20; #22; #25; #27; #28; #30; #31; #36; #39; #40; #41; #42; #43; #45; #46; #47; #49; #52; #53; #56; #60; #62; #68; #70; #71; #72; #73; #77; #78; #79; #80; #84; #87; #90; #91; #95; #99; #106; #108; #110; #121; #122 (გადაადგილდება მეტროსადგურ ავლაბრამდე); #150; #321; #330; #332; #334; #339; #343; #344; #346; #363; #377; #383.

რაც შეეხება 6 იანვარს, მერიის განცხადებით, შობის ღამეს, მგზავრებს თბილისის მეტრო 00:00-დან 03:00 საათამდე მოემსახურება. უწყებაში ამბობენ, რომ მოქალაქეები ამ შემთხვევაშიც, უფასოდ იმგზავრებენ.