საქართველოს ყოფილი პირველი ლედის, სანდრა რულოვსის განცხადებით, აშინებს ის, რომ საქართველოში მმართველობა ღიად პრორუსულია, ღიად უპირისპირდება ევროპას და ამაში დიდ საფრთხეს ხედავს.

"მაშინებს კი, ახალგაზრდების გადინება გრძელდება, ეს ტერიტორიების ამბავი, მმართველობა, რომელიც ღიად პრორუსულია და ღიად უპირისპირდება უკვე ევროპას არაერთხელ, მე ამაში ვხედავ დიდ საფრთხეს. ეს საფრთხე უკვე დღეს ჩვენს თვალწინ სრულდება, სამწუხაროდ, უკვე და ინვესტორებიც აღარ იყურებიან საქართველოსკენ, ტურისტები აღარ ჩამოდიან, ეს, რა თქმა უნდა, კორონავირუსთან არის კავშირში, მაგრამ ეს ყველაფერი აღრმავებს იმ შესუსტებულ საქართველოს, კრიზისს ნამდვილად აღრმავებს და არ ვიცი, თქვენც, ალბათ, გრძნობთ და მეც, რომ რუსული ენა, რუსული გავლენა, იგრძნობა ეს ხომ?

მეტი გესმის, რუსებიც და რა ვიცი, ილექება ეს რაღაცნაირად ტვინში და ბავშვებისთვის ნორმად ხდება უკვე, მერე უკვე ძალიან რთულია ამის დაბრუნება, თავისუფალ ვარდნაში ვართ რაღაცნაირად, როგორც ქვეყანა", — ამბობს რულოვსი ფორმულას ეთერში.