თბილისის მერიის ინფორმაციით, 31 დეკემბერს რუსთაველის გამზირზე, რესპუბლიკისა და თავისუფლების მოედნებზე მოძრაობა შეიზღუდება. მათივე თქმით, შეზღუდვა საახალწლო ღონისძიებების გამო, 31 დეკემბრის 20:00 საათიდან პირველი იანვრის 05:00 საათამდე იმოქმედებს.

როგორც მერიაში ამბობენ, მოძრაობა შესაძლებელი იქნება მელიქიშვილის ქუჩიდან მეტრო რუსთაველამდე, ხოლო ჯავახიშვილის, ძმები კაკაბაძეების, სარაჯიშვილის, ინაშვილის, მესხიას, ალექსანდრე ჭავჭავაძის, რევაზ ლაღიძის, ვასო აბაშიძის, მიტროფანე ლაღიძის, ბესიკის, გია ჭანტურიას, ლესია უკრაინკას, ზაქარია ჭიჭინაძის, არჩილ ჯორჯაძის, 9 აპრილის, ანტონ ფურცელაძისა და ლადო ასათიანის ქუჩებზე, რუსთაველის გამზირის კვეთამდე არსებულ საგზაო მონაკვეთში მოძრაობა უცვლელი დარჩება.

თავისუფლების მოედნის მიმართულებით გადაადგილება სატრანსპორტო საშუალებებისთვის შეზღუდული იქნება ასევე, კოტე აფხაზისა და დადიანის ქუჩებიდან. მთაწმინდის მიმართულებით გადაადგილება დასაშვები იქნება მელიქიშვილის ქუჩიდან ჯანაშიას, თარხნიშვილის, ტატიშვილის, ჭოველიძისა და ზანდუკელის ქუჩების გავლით და შემდეგ ბარნოვის, გოგებაშვილის ან კაკაბაძეებების ქუჩების გამოყენებით.

საზოგადოებრივი ტრანსპორტი

საზოგადოებრივი ტრანსპორტი აღნიშნულ პერიოდში იმოძრავებს შემდეგი მარშრუტებით:

ავტობუსები

ავტობუსები — #6, #14, #31, #37, #42, #46, #52, #N58, #87, #88, #150 და #301, ასევე, მიკროავტობუსები — #2, #31, #41, #72, #120, #145 და #170 მელიქიშვილის ქუჩიდან გადაადგილდებიან მეტრო რუსთაველამდე, რის შემდეგაც, მოძრაობას მიხეილ ჯავახიშვილის ქუჩაზე განაგრძობენ და მტკვრის მარჯვენა სანაპიროს გავლით, ბარათაშვილის ქუჩას დაუკავშირდებიან. უკუმიმართულებისას, #6, #14, #42, #52, #58, #87, #88 და #150 ავტობუსები მტკვრის მარცხენა სანაპიროს გამოყენებით და ბარათაშვილის ხიდის გავლით, მარჯვენა სანაპიროს და ჯავახიშვილის ქუჩას დაუკავშირდებიან, რის შემდეგაც, კოსტავას ქუჩის მიმართულებით იმოძრავებენ და სვლას დადგენილი სქემით განაგრძობენ.

ასევე, ავტობუსები — #31, #301, #345, #37 და #46, რომლებიც გორგასალის ქუჩიდან და ქეთევან დედოფლის გამზირიდან ბარათაშვილის ქუჩის გავლით რუსთაველის გამზირზე გადაადგილდებოდნენ, ბარათაშვილის ხიდიდან სვლას მტკვრის მარჯვენა სანაპიროზე განაგრძობენ, ჯავახიშვილის ქუჩის გავლით, მეტრო რუსთაველს დაუკავშირდებიან, რის შემდეგაც, კოსტავას ქუჩის მიმართულებით იმოძრავებენ და დადგენილი სქემით იხელმძღვანელებენ.

რაც შეეხება #59 და #91-ს, რომლებიც მელიქიშვილის ქუჩიდან რუსთაველის გამზირის მიმართულებით გადაადგილდებოდნენ, სვლას ჯავახიშვილის ქუჩისკენ განაგრძობენ და შემდეგ, დადგენილი სქემით იმოძრავებენ. უკუმიმართულებით, გალაკტიონ ტაბიძის ხიდისა და ჯავახიშვილის ქუჩის გავლით, კოსტავას ქუჩას დაუკავშირდებიან და შემდეგ, დადგენილი სქემით გადაადგილდებიან; ავტობუსი — #33 გალაკტიონ ტაბიძის ხიდიდან, ჯავახიშვილის ქუჩის ნაცვლად, მოძრაობას მტკვრის მარჯვენა სანაპიროზე განაგრძობს და ბარათაშვილის ქუჩას დაუკავშირდება. უკუმიმართულებისას, ბარათაშვილის ქუჩიდან გადაინაცვებს მტკვრის მარჯვენა სანაპიროზე და ბარათაშვილის ხიდის გავლით, ჯავახიშვილის ქუჩას დაუკავშირდება, რის შემდეგაც, კოსტავას ქუჩის მიმართულებით იმოძრავებს; ავტობუსები — #50, #71, #344 და მიკროავტობუსი #176, გორგასალის ქუჩიდან მეტეხის ხიდის, ევროპის მოედნის, მტკვრის მარცხენა სანაპიროსა და ბარათაშვილის ხიდის გავლით იმოძრავებენ და მგზავრთა მომსახურებაას ბარათაშვილის ქუჩაზე დაასრულებენ.

ავტობუსები — #4, #10, #90, #103, #106, #112 და #124, რომლებიც თბილისი-კოჯრის გზატკეცილიდან ბარათაშვილის ქუჩის და რუსთაველის გამზირის მიმართულებით გადაადგილდებიან, მოძრაობას ამაღლების ქუჩაზე (#11-ს მიმდებარედ) დაასრულებენ. ასევე, N383, რომელიც ჭონქაძის ქუჩიდან ბარათაშვილის ქუჩის მიმართულებით გადაადგილდება, ამაღლების ქუჩამდე (#11-ს მიმდებარედ) იმოძრავებს.

ავტობუსები — #2, #20, #25, #39, #43 და #80 ბარათაშვილის ხიდიდან დაუკავშირდებიან ბარათაშვილის ქუჩას და მგზავრთა მომსახურებას პუშკინის ქუჩის მიმდებარედ დაასრულებენ. უკუმიმართულებისას, აღნიშნული სატრანსპორტო საშუალებების მარშრუტები არ შეიცვლება.

მიკროავტობუსები

მიკროავტობუსები — #2, #31, #72, #120 და #170 ბარათაშვილის ხიდის გავლით, ბარათაშვილის ქუჩაზე გადაინაცვლებენ, თაბუკაშვილისა და ჯავახიშვილის ქუჩებით, მეტრო რუსთაველამდე გადაადგილდებიან და შემდგომ, მოძრაობას დადგენილი სქემით განაგრძობენ; მიკროავტობუსი — #140 გორგასალის ქუჩიდან ევროპის მოედნისა და მტკვრის მარცხენა სანაპიროს მიმართულებით იმოძრავებს, რის შემდეგაც, ბარათაშვილის ქუჩის დახმარებით, თაბუკაშვილისა და ჯავახიშვილის ქუჩებს დაუკავშირდება და მტკვრის მარჯვენა სანაპიროს გავლით, მოძრაობას დადგენილი სქემით შეძლებს.