ყოფილი პრეზიდენტის, მიხეილ სააკაშვილის ადვოკატის, ნიკა გვარამიას განცხადებით, ექსპრეზიენტი ძალიან ცუდადაა. მისი თქმით, მიხეილ სააკაშვილს არ ყავს მკურნალი ექიმი და მასთან არ უშვებენ არც ემპათიის წარმომადგენელს.

"მიშა არის ცუდად. მისი მდგომარეობა უახლოვდება კრიტიკულს. და ამ ფონზე მას არ ყავს მკურნალი ექიმი და არ უშვებენ ემპათიის ექიმებსაც. მე მსგავსი კატასტროფის მომსწრე არა თუ არ ვყოფილვარ, არც დამიშვია ოდესმე, თუ ვიქნებოდი", — წერს გვარამია.

პენიტენციური სამსახურის განცხადებით, გორის სამხედრო ჰოსპიტალმა 27 დეკემბერს მიხეილ სააკაშვილის გაწერის გადაწყვეტილება მიიღო, რასაც, მათი თქმით, ექსპრეზიდენტი არ დაემორჩილა და წნევის ცვალებადობა აღენიშნა. უწყების ცნობით, ამის გამო, რუსთავის ციხეში მისი გადაყვანა დროებით გადავადდა.

დღეს მედიაში გავრცელდა ინფორმაცია, რომ სააკაშვილის მკურნალი ექიმის ჯანმრთელობის მდგომარეობა გაუარესდა. On.ge ამ საკითხის გადამოწმებას ცდილობს.

28 დეკემბერს გორის ჰოსპიტალში სააკაშვილის მკურნალმა ექიმმა, ნინო გოგორიშვილმა ექსპრეზიდენტის ადვოკატი, ნიკა გვარამია შეცდომაში შეყვანაში დაადანაშაულა. ნიკა გვარამიამ წაიკითხა ოქმი, სადაც, მისი თქმით, ექიმი, ნინო გოგორიშვილი საუბრობს, თუ რა მოხდა 27 დეკემბერს, როდესაც სააკაშვილს გადაყვანის შესახებ აცნობეს.

27 დეკემბერს, მთელი საღამოს განმავლობაში ვრცელდებოდა ინფორმაცია გორის სამხედრო ჰოსპიტლიდან მიხეილ სააკაშვილის შესაძლო გადაყვანის შესახებ. თუმცა ამის შესახებ ინფორმირებულები არ იყვნენ სააკაშვილის ადვოკატები და ოჯახის წევრები.

მოგვიანებით სახალხო დამცველის წარმომადგენელი ანა ჯანიაშვილი გორის ჰოსპიტალში მივიდა. მისი განცხადებით, სააკაშვილმა უთხრა, რომ რუსთავის ციხეში მის გადაყვანას, რა დროსაც გონება დაკარგა. ჯანიაშვილის თქმით, ამ შემთხვევას სახალხო დამცველი შეისწავლის.

სააკაშვილის გადაყვანაზე ინფორმაცია უწყებამ მხოლოდ 28 დეკემბერს დაადასტურა. როგორც დეკემბერს პენიტენციურმა სამსახურმა თქვა, რომ გორის სამხედრო ჰოსპიტალმა სააკაშვილი გაწერა, თუმცა გადაყვანა დროებით გადაიდო.