სტოკჰოლმზე თავდასხმასთან კავშირში დაკავებული პირი შვედეთის პოლიციის ინფორმაციით იმ სატვირთოს მძღოლია, რომელიც ხალხში შევარდა.

BBC-ის ცნობით, პოლიციამ თავდასხმაში ბრალდებული მისი სურათების გავრცელების შემდეგ დააკავა.

პოლიცია მის ვინაობას არ ასახელებს, მაგრამ ადგილობრივი მედია იუწყება, რომ დაკავებული უზბეკეთიდანაა.

პოლიცია ასევე არ ადასტურებს ცნობებს, სატვირთოში აღმოჩენილი ხელნაკეთი ბომბის შესახებ.

გუშინ სტოკჰოლმის ერთ-ერთ მთავარ ქუჩაზე სატვირთო მანქანა ხალხში შევარდა. თავდასხმის შედეგად 4 ადამიანი დაიღუპა. დაშავებულია 15 მოქალაქე.

მას შემდეგ, რაც ქვეყნის პრემიერმინისტრმა თავდასხმა ტერორისტულ აქტად შეაფასა, შვედეთმა საზღვრებზე უსაფრთხოების ზომები გაამკაცრა.

გარდიანი ვიდეოს ავრცელებს, სადაც ჩანს, რომ თავდასხმის შემდეგ მოქალაქეები შემთხვევის ადგილიდან გარბიან.