ახალი წლის მოსვლას ყველა ჩვენგანი განსაკუთრებული სიხარულით ელოდება: წინა საახალწლო დღეების განუყოფელი ნაწილი კი დადებითი ემოციების და ბედნიერების გაზიარებაა. სწორედ ამიტომ, მეამამ საახალწლო კამპანია "შენი საჩუქარი" დაიწყო რომლის მიზანია, საახალწლო საჩუქრების შერჩევის გამოცდილება კიდევ უფრო სასიამოვნო გახადოს.

ფოტო: მეამა

საახალწლოდ მეამამ შენთვის და შენი საყვარელი ადამიანებისთვის ყველაზე არომატული საჩუქრები შეარჩია. შენი საჩუქარი ონლაინ მაღაზიის გზამკვლევში და ბრენდულ სივრცეებში შეგიძლია აღმოაჩინო, სადაც სურვილის შემთხვევაში, შერჩევის პროცესში მეამას ელჩებიც ჩაერთვებიან.

ფოტო: მეამა

მეამას ყავის არომატი სახლში ბევრისთვის უკვე ყოველდღიურობის განუყოფელ ნაწილად იქცა, ზოგისთვის კი ჯერ ისევ ახალი თავგადასავალია. საახალწლო საჩუქრების გზამკვლევში ნახავ ყველაფერს, მათთვის, ვისაც ყავის სიყვარული აერთიანებს: ყავის, როგორც ახალი ისე, უკვე საყვარელი კაფსულები, საახალწლო ნაკრებები ყავის აპარატებით და ფერადი აქსესუარების ახალი კოლექცია.

მეამას საახალწლო ნაკრებებში, განსაკუთრებული ადგილი უჭირავს პრემიუმ შეთავაზებას — მეამას დახვეწილი დიზაინის, ვინტაჟური აპარატის ნაკრებს, რომელშიც ევროპული ფორმატის კაფსულები და სხვადასხვა აქსესუარები შედის. ეს დაუვიწყარი საჩუქარია, როგორც საკუთარი თავისთვის, ისე გამორჩეული სტილის და ყავის მოყვარულებისთვის.

ფოტო: მეამა

თითოეული შენაძენი უკვე გამზადებულია სასაჩუქრედ. შეგიძლია, ბარათზე ახალი წლის სურვილები დაწერო და შერჩეული საჩუქრები ნაძვის ხის ქვეშ მოათავსო.

საახალწლო სამზადისი და განწყობა Meama Collect-შიც გრძელდება. მენიუს 5 ახალი კოქტეილი დაემატა: ლუნგო გლინტვეინით, კარამელის ცხელი მაკიატო, შოკოლადის მოკა ზეფირით, ზამთრის ირლანდიური და ესპრესო მარტინი. დღეიდან ზამთრის ცივ დღეებში შეგიძლია Meama Collect-დან საახალწლო ყავის სასმელები გაიყოლო, ბევრი ისეირნო, გათბე და ახალი გემოებით ახალი წლის განწყობა შეიქმნა.

ფოტო: მეამა