საქართველოს პრეზიდენტმა, გიორგი მარგველაშვილმა საქართველოს პარლამენტში ყოველწლიური ანგარიში წარადგინა.

სიტყვით გამოსვლისას პრეზიდენტი შეეხო ნატოს ბრიუსელის სამიტს და განაცხადა, რომ ნატოს ვარშავის სამიტზე საქართველოს ნატოში ინტეგრაციის პერსპექტივა პრიორიტეტად შენარჩუნდა:

"შავი ზღვის უსაფრთხოება საქართველოში იწყება. უსაფრთხო შავი ზღვა კი, რეგიონში ეკონომიკური თანამშრომლობის და გრძელვადიანი მშვიდობის წინაპირობაა. სწორად ამიტომაა აუცილებელი საქართველოს აქტიური ჩართულობა, შავ ზღვაზე უსაფრთხოების არქიტექტურის მშენებლობაში. ბრიუსელის სამიტის ფორმატიდან გამომდინარე, საქართველო სამიტზე არ იქნება წარმოდგენილი.

მივმართავ ჩვენი სტრატეგიული პარტნიორი ქვეყნების ხელმძღვანელებს და მათ წარმომადგენლებს ჩვენს ქვეყანაში - პატივცემულ ელჩებს: იყავით ჩვენი ხმა ნატოს მომავალ სამიტზე - ევროპული უსაფრთხოება, მათ შორის, საქართველოს და შავი ზღვის უსაფრთხოებით განისაზღვრება!"

ნატოს ბრიუსელის სამიტი 25 მაისს გაიმართება. მას ამერიკის პრეზიდენტი დონალდ ტრამპიც დაესწრება.