აშშ-ს მთავრობამ იმ აბებზე, რომლებიც საწყის ეტაპზე ორსულობის შესაწყვეტად გამოიყენება, ზოგიერთი შეზღუდვა შეამსუბუქა. მედიკამენტით, რომელზე შეზღუდვაც მოიხსნა, ორსულობის შეწყვეტა მე-10 კვირამდეა დაშვებული და ზოგჯერ იმ ქალების სამკურნალოდაც ინიშნება, რომლებსაც მუცელი მოეშალათ.

აბებზე შეზღუდვა პანდემიის დაწყებისას დროებით მოიხსნა, რამაც ქალებს საშუალება მისცა მედიკამენტები სახლიდან გაუსვლელად შეეძინათ და ფოსტის საშუალებით მიეღოთ. გასულ ხუთშაბათს კი აშშ-ს სურსათისა და წამლის ადმინისტრაციამ გადაწყვიტა, რომ აბებზე შეზღუდვა სამუდამოდ მოხსნა.

ახალი ცვლილების მიხედვით, პაციენტებს კლინიკაში ან სამედიცინო ოფისში აბების მისაღებად პირადად მისვლა აღარ დასჭირდებათ. ისინი სასურველ მომწოდებელს თავად შეარჩევენ და აბებს ფოსტის საშუალებით მიიღებენ.

ეს გადაწყვეტილება იმ ქალებსაც მისცემს აბებზე წვდომის საშუალებას, რომლებიც სოფლად ცხოვრობენ და მიმწოდებლები არ ჰყავთ. გარდა ამისა, დაბალი შემოსავლის მქონე ქალებისთვისაც, რომლებიც კლინიკაში სხვადასხვა დაბრკოლების გამო ვერ მიდიან, აბები ხელმისაწვდომი გახდება.

აშშ-ის სურსათისა და წამლის სააგენტოს მიერ მიღებული წესი მოითხოვს, რომ მედიკამენტი სერტიფიცირებული აფთიაქისგან და მომწონებლებისგან იქნეს შეძენილი.