საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის განცხადებით, ევროკავშირი საქართველოში მდგრადობის, აღდგენისა და რეფორმების მხარდაჭერას აგრძელებს. ამის შესახებ ის საკუთარ Twitter-ზე წერს.

"მიხარია, რომ სამიტი აღმოსავლეთ პარტნიორობის პარტნიორებთან ერთად ფიზიკურად ჩავატარეთ. მის ფარგლებში დავით ზალკალიანთან მოსაზრებები გავცვალე და განვიხილეთ, რომ რეგიონალური უსაფრთხოება და ორმხრივი საკითხები ძალიან მნიშვნელოვანია. ევროკავშირი და საქართველო სტრატეგიული პარტნიორები არიან. ჩვენ მდგრადობის, აღდგენისა და რეფორმების მხარდაჭერას ვაგრძელებთ", — წერს ის.

15 დეკემბერს ბრიუსელში აღმოსავლეთ პარტნიორობის სამიტი გაიმართა. საქართველოს სამიტზე პრემიერმინისტრი, ირაკლი ღარიბაშვილი წარმოადგენდა.