ევროკომისიის პრეზიდენტის, ურსულა ფონ დერ ლაიენის განცხადებით, ეჭვგარეშეა, რომ უკრაინის წინააღმდეგ რუსეთის ნებისმიერ აგრესიას, ევროკავშირი მტკიცედ უპასუხებს. ამის შესახებ მან აღმოსავლეთ პარტნიორობის სამიტის დასრულების შემდეგ, პრესკონფერენციაზე ისაუბრა.

"ჩვენ ყველამ შეშფოთება გამოვთქვით რუსეთის სამხედრო მობილიზებაზე აღმოსავლეთ უკრაინის საზღვართან. ჩვენ რუსეთს დეესკალაციისა და შემდგომი აგრესიული ქმედებებისგან თავის შეკავებისკენ მოვუწოდებთ. უკრაინა ჩვენს მხარდაჭერასა და ტერიტორიული მთლიანობის მიმართ ერთგულებაში დავარწმუნეთ. ეჭვგარეშეა, რომ ევროკავშირი რუსეთის ნებისმიერ შემდგომ აგრესიას უკრაინის წინააღმდეგ მტკიცედ უპასუხებს", — აღნიშნა მან.

15 დეკემბერს ბრიუსელში აღმოსავლეთ პარტნიორობის სამიტი გაიმართა. საქართველოს სამიტზე პრემიერმინისტრი, ირაკლი ღარიბაშვილი წარმოადგენდა.