ამერიკელების საყვარელი მსახიობი, ჯულია რობერტსი უკვე წლებია საერთაშორისო საქველმოქმედო კამპანია Red Nose Day-ს ერთგული მონაწილეა.

წლევანდელი კამპანიის ფარგლებში მსახიობი კენიას ესტუმრა და სიცოცხლისთვის მნიშვნელოვანი ვაქცინები, წიგნები და სხვა ჰუმანიტარული ნივთები ჩაიტანა.

Red Nose Day ანუ წითელი ცხვირების დღე სათავეს 1988 წლიდან იღებს. შოუში, რომელიც BBC-ის ეთერში გაშუქდა, 150-ზე მეტმა ცნობილმა ადამიანმა და კომიკოსმა მიიღო მონაწილეობა. გადაცემას 30 მილიონზე მეტი მაყურებელი ჰყავდა, რისი მეშვეობითაც ბავშვების დასახმარებლად 15 მილიონი ფუნტი შეგროვდა.

როგორც წესი წითელი ცხვრების კამპანიაში უამრავი ვარსკვლავი მონაწილეობს. მათ შორის არიან ემა უოტსონი, ჯულია რობერტსი, ელენ დეჯენერესი, კეიტი პერი, ადელი, ენ ჰეთეუეი და მრავალი სხვა, რომლებიც ყოველწლიურად უერთდებიან კამპანიას.

აღსანიშანვია, რომ სწორედ ამ კამპანიის ფარგლებში, 14 წლის შემდეგ ერთ-ერთი ყველაზე ცნობილი რომანტიკული კომედია Love actually ეკრანზე დაბრუნდა.

წელს ყველაზე მასშტაბურ საქველმოქმედო კამპანიას საქართველოც შეუერთდა.